തദ്ദേശ തിരഞ്ഞെടുപ്പിനുള്ള വോട്ടര് പട്ടികയിൽ പേരു ചേര്ക്കാൻ വീണ്ടും അവസരം. തിങ്കളാഴ്ച മുതൽ അടുത്ത മാസം 14 വരെ അപേക്ഷ നൽകാം. 2025 ജനുവരിന് ഒന്നിനോ അതിന് മുൻപോ 18 വയസ്സ് പൂര്ത്തിയായവര്ക്ക് പേര് ചേര്ക്കാൻ ഓണ്ലൈനായി അപേക്ഷിക്കാം.
പേര് ഒഴിവാക്കാനും സ്ഥാന മാറ്റത്തിനും അപേക്ഷ നൽകാം. ഹിയറിങ് ഉണ്ടാകും. അടുത്ത മാസം 25ന് അന്തിമ വോട്ടര് പട്ടിക പുറത്തിറക്കും. എല്ലാ വോട്ടര്മാര്ക്കും സംസ്ഥാന തിരഞ്ഞെടുപ്പ് കമ്മീഷന്റെ സവിശേഷ തിരിച്ചറിയൽ നമ്പര് നൽകുമെന്ന് സംസ്ഥാന തെരഞ്ഞെടുപ്പ് കമ്മീഷണര് എ ഷാജഹാൻ അറിയിച്ചു.
വോട്ടര് പട്ടിക പുതുക്കുന്നതിനായി കരട് പട്ടിക തിങ്കളാഴ്ച പുറത്തിറക്കും. പുതുക്കി ഈ മാസം ആദ്യം ഇറക്കിയ പട്ടികയാണ് കരട് പട്ടികയായി പ്രസിദ്ധീകരിക്കുന്നത്. ഇതിൽ 2.83 കോടിയലധികം വോട്ടര്മാരാണുള്ളത്.
Read more
തിങ്കളാഴ്ച കരട് വോട്ടര് പട്ടിക പ്രസിദ്ധീകരിക്കുന്നത് സവിശേഷ തിരിച്ചറിയൽ നമ്പരോടെയാണ്. പുതുതായി ചേര്ക്കുന്നവര്ക്കും തിരിച്ചറിയൽ നമ്പര് നൽകും.
