നിപ വ്യാപനത്തിൽ സർക്കാർ കാര്യമായി ഇടപെടുന്നില്ലെന്ന പ്രതിപക്ഷത്തിന്റെ വാദത്തിൽ പ്രതികരിച്ച് ആരോഗ്യമന്ത്രി കെ മുരളീധരൻ. വീണുകിട്ടിയ ആയുധം പോലെ പ്രതിപക്ഷം പെരുമാറുന്നത് ശരിയല്ലെന്ന് പറഞ്ഞ കെ മുരളീധരൻ നിപ ഇതുവരെ വ്യാപിച്ചിട്ടില്ലെന്നും കൂട്ടിച്ചേർത്തു. ഇതുവരെ നടത്തിയ എല്ലാ പരിശോധനകളും നെഗറ്റീവ് ആയിരുന്നുവെന്നും ഇപ്പോള് വെന്റിലേറ്ററിലുള്ള രോഗി അതേ കണ്ടീഷനില് തന്നെ തുടരുകയാണെന്നും കെ മുരളീധരൻ വ്യക്തമാക്കി.
പ്രതിപക്ഷത്തിന്റെ വിമര്ശനം രാഷ്ട്രീയമായിട്ടുള്ള വിമര്ശനമായി മാത്രമേ കാണുന്നുള്ളുവെന്നും മന്ത്രി പറഞ്ഞു. അതേസമയം ആരോഗ്യമന്ത്രി ഇതുവരെ സ്ഥലത്തെത്തിയിട്ടില്ല എന്നതടക്കമുള്ള ആരോപണങ്ങളിലും മന്ത്രി പ്രതികരിച്ചു. നിപ റിപ്പോര്ട്ട് ചെയ്ത സമയത്ത് താൻ അവിടെ ഉണ്ടായിരുന്നുവെന്നും എല്ലാ നിര്ദ്ദേശവും കൊടുത്തിട്ടാണ് തിരുവനന്തപുരത്ത് വന്നതെന്നും മന്ത്രി പറഞ്ഞു.
Read more
കേരളത്തിന്റെ മൊത്തം വിഷയങ്ങള് നോക്കണ്ടേ. ഈ ഈ രോഗം ഇന്ന ഭാഗത്ത് മാത്രമല്ല കേരളത്തിലെല്ലായിടത്തും പടരാന് സാധ്യത ഉള്ളതുകൊണ്ടാണ് ഞാന് തിരുവനന്തപുരത്ത് തന്നെ വന്ന് ഉന്നത ഉദ്യോഗസ്ഥന്മാരുടെ യോഗം വിളിച്ചത്. രോഗം വ്യാപിച്ചിട്ടില്ല ഇതുവരെ. ഇതുവരെ കിട്ടിയ റിസള്ട്ട് ഒക്കെ നെഗറ്റീവ് ആണ്. മാത്രമല്ല, ഇന്നിപ്പോള് ജനപ്രതിനിധികളുടെ യോഗം വിളിക്കാന് ആ റവന്യൂ മന്ത്രി കോഴിക്കോടുണ്ട്. ഇതിലൊക്കെ എടുക്കുന്ന സമീപനം തികച്ചും ദൗര്ഭാഗ്യകരമാണ്. ഇത് വീണുകിട്ടിയ ഒരായുധം പോലെ പ്രതിപക്ഷം പെരുമാറുന്നത് ശരിയല്ല – മന്ത്രി പറഞ്ഞു.
