കണ്ണൂര് തളിപ്പറമ്പിലെ സ്ഥാനാര്ത്ഥിത്വത്തില് സിപിഐഎം സംസ്ഥാന സെക്രട്ടറി എം വി ഗോവിന്ദന് പരോക്ഷവിമര്ശനവുമായി ജനറല് സെക്രട്ടറി എം എ ബേബി. സ്ഥാനാര്ത്ഥിത്വത്തില് സ്വയം ഔചിത്യം പാലിക്കണമായിരുന്നുവെന്നാണ് എം എം ബേബിയുടെ പരാമര്ശം. മലപ്പുറം അരീക്കോട് ഇഎംഎസിന്റെ ലോകം ദേശീയ സെമിനാറില് ആയിരുന്നു ബേബിയുടെ പ്രതികരണം.
പാര്ട്ടിയെ കടന്നാക്രമിക്കുന്നത് ഒഴിവാക്കാന് നടപടി വേണമായിരുന്നു എന്നും വിമര്ശനമുയർന്നു. ഒരു നേതാവുമായി ബന്ധപ്പെട്ടയാളെ സ്ഥാനാര്ത്ഥിയാക്കുന്നത് പാര്ട്ടിയെ കടന്നാക്രമിക്കാന് അവസരം നല്കുമെങ്കില് അതൊഴിവാക്കാനുള്ള ഔചിത്യം നേതാവ് തന്നെ കാണിക്കണമെന്നാണ് എം എ ബേബിയുടെ വാക്കുകള്. ഒരാള് സ്വന്തം അര്ഹത കൊണ്ട് സ്ഥാനാര്ത്ഥിയാകുമ്പോള് അവരുടെ ബന്ധുത്വം പറഞ്ഞു ബൂര്ഷ്വാ മാധ്യമങ്ങള് കടന്നാക്രമിക്കാറുണ്ട്. അത്തരം പ്രചാരണങ്ങളുടെ പിന്നാലെ പാര്ട്ടി പോകേണ്ടതില്ല.
Read more
എന്നാല്, ഒരു നേതാവുമായി ബന്ധപ്പട്ട ഒരാളെ സ്ഥാനാര്ഥിയാക്കുന്നത് പാര്ട്ടിയെ മൊത്തത്തില് കടന്നാക്രമിക്കാന് മാധ്യമങ്ങള്ക്കു അവസരം നല്കുമെന്ന് തോന്നുകയാണെങ്കില് അത് ഒഴിവാക്കാനുള്ള ഔചിത്യം ബന്ധപ്പെട്ട നേതാവ് തന്നെ കാണിക്കണം. അവിടെ താനുമായി ബന്ധപ്പെട്ട ഒരാള്ക്ക് പകരം മറ്റൊരാള് മതി എന്ന് തീരുമാനിക്കാന് നേതാവ് തന്നെ മുന്കൈ എടുക്കുന്നതാണ് ശരിയായ രീതിയെന്നും എം എ ബേബി പറഞ്ഞു.
