സംസ്ഥാനത്ത് ഇന്നും വ്യാപക മഴയ്ക്ക് സാദ്ധ്യത. കണ്ണൂരും കാസര്കോടും ഒഴികെയുള്ള ജില്ലകളില് വ്യാപകമായി മഴ ലഭിക്കുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. തെക്കുപടിഞ്ഞാറന് കാലവര്ഷം 48 മണിക്കൂറിനകം അറബിക്കടലില് എത്താനും സാധ്യതയുണ്ട്.
അടുത്ത മൂന്ന് മണിക്കൂറില് കേരളത്തില് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, മലപ്പുറം, കോഴിക്കോട്, വയനാട് ജില്ലകളില് ഒറ്റപ്പെട്ടയിടങ്ങളില് ഇടിയോടുകൂടിയ മഴയ്ക്കും മണിക്കൂറില് 40 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം, ഇടുക്കി കല്ലാര് ഡാമിന്റെ ജലാസംഭരണിയില് അടിഞ്ഞു കിടക്കുന്ന മണ്ണ് നീക്കം ചെയ്യുന്നതിനും ഷട്ടറിന്റെ അറ്റകുറ്റപ്പണികള്ക്കുമായാണ് തുറക്കും. ഷട്ടര് 10 സെ.മീ ഉയര്ത്തി അഞ്ച് ഘനമീറ്റര് വെള്ളം ഒഴുക്കും. 26 മുതല് 31 വരെയുള്ള ദിവസങ്ങളില് പല പ്രാവശ്യമായാണ് തുറക്കുക. കല്ലാര്, ചിന്നാര് പുഴകളുടെ ഇരുകരകളിലുമുള്ളവര് ജാഗ്രത പാലിക്കണം.
Read more
ഒറ്റപ്പെട്ടയിടങ്ങളില് ശക്തമായ മഴ ലഭിച്ചേക്കും. മലയോരമേഖലകളില് കൂടുതല് മഴയ്ക്ക് സാധ്യത ഉണ്ട്. മത്സ്യത്തൊഴിലാളികള്ക്ക് പ്രത്യേക ജാഗ്രത നിര്ദേശം ഇല്ല. കാലവര്ഷത്തിന് മുന്നോടിയായുള്ള പടിഞ്ഞാറന് കാറ്റിന്റെ സ്വാധീന ഫലമായാണ് ഈ ദിവസങ്ങളിലെ മഴ.