ജൂൺ 15 മുതൽ കെഎസ്ആർടിസി ഓർഡിനറി ബസുകളിൽ സ്ത്രീകൾക്കും ട്രാൻസ്ജെൻഡേഴ്സിനും യാത്ര ചെയ്യാമെന്ന് മുഖ്യമന്ത്രി വി ഡി സതീശൻ. വരുമാനവും പ്രായവും കണക്കിലെടുക്കാതെയാണ് യാത്ര അനുവദിക്കുകയെന്നും കെഎസ്ആർടിസിക്ക് ഉണ്ടാകുന്ന നഷ്ടം സർക്കാർ നികത്തുമെന്നും മുഖ്യമന്ത്രി പറഞ്ഞു. പ്രിയദർശിനി എന്ന പേരിലാകും പദ്ധതിയെന്നും വി ഡി സതീശൻ പറഞ്ഞു.
800 കോടി ബാധ്യതയുണ്ടാക്കുന്ന പദ്ധതിയാണെന്നും മുഖ്യമന്ത്രി വ്യക്തമാക്കി. 15-ാം തിയതി മുതല് സൗജന്യയാത്ര നടപ്പിലാക്കുമെന്ന് സര്ക്കാര് പറഞ്ഞിരുന്നു. അതേസമയം ആലപ്പുഴ രക്ഷാപ്രവര്ത്തന കേസിൽ മുൻകൂര് ജാമ്യം നൽകിയ വിധി പരിശോധിക്കുമെന്നും മുഖ്യമന്ത്രി വാര്ത്താസമ്മേളനത്തിൽ അറിയിച്ചു. കോടതി വിധിയെക്കുറിച്ച് സര്ക്കാര് അഭിപ്രായം പറയുന്നില്ല. സലിംകുമാറിന്റെ വീട്ടിലെ നവമാധ്യമ തിരക്ക് വല്ലാത്ത സ്ഥിതിയാണെന്നും മുഖ്യമന്ത്രി അഭിപ്രായപ്പെട്ടു. മരിച്ച ശേഷവും സലിം കുമാറിനെതിരെ സൈബര് ആക്രമണം ഉണ്ടായി.
Read more
പിഎം ശ്രീയിൽ തീരുമാനമെടുത്തിട്ടില്ലെന്നും മുഖ്യമന്ത്രി പറഞ്ഞു. വീണക്കെതിരായ നോട്ടീസ് ഇഡി അന്വേഷണത്തിന്റെ ഭാഗമാണ്. ഇഡി റെയ്ഡ് നടത്താമോ എന്നതിൽ സംസ്ഥാനങ്ങള്ക്ക് റോളില്ല. ഇഡിയെ ആക്രമിച്ചാൽ പൊലീസ് ഇടപെടും. മാധ്യമങ്ങള്ക്ക് നിയന്ത്രണമേര്പ്പെടുത്തിയ സര്ക്കുലര് പരിശോധിക്കും. സമരഗേറ്റ് അടച്ചത് സമരങ്ങള് വരുന്ന സമയത്താണെന്നും മുഖ്യമന്ത്രി വിഡി സതീശൻ പറഞ്ഞു.
