സംസ്ഥാനത്ത് വൈദ്യുതി ഉപയോഗം സര്വ്വകാല റെക്കോര്ഡില്. പ്രതിദിന വൈദ്യുതി ഉപയോഗം 118.26 ദശലക്ഷം യൂണിറ്റ് ആണ്. ഈ മാസം 18ന് 117.15 ദശലക്ഷ യൂണിറ്റ് മറികടന്നതാണ് ഇതുവരെയുണ്ടായ ഏറ്റവും ഉയര്ന്ന അളവ് വൈദ്യുതി ഉപഭോഗം. എന്നാല്, ഇന്നലത്തെ വൈദ്യുതി ഉപയോഗം ആ റെക്കോര്ഡും മറികടന്നുവെന്നാണ് കെഎസ്ഇബി വിവരം.
ഇന്നലെ വൈദ്യുതി വാങ്ങിയതിലും ബോര്ഡ് റെക്കോര്ഡ് ഇട്ടു. 91.78 ദശലക്ഷം യൂണിറ്റ് വൈദ്യുതിയാണ് വാങ്ങിയത്. ഉപഭോഗം കൂടിയതോടെ വൈദ്യുതി പ്രതിസന്ധി സംസ്ഥാനത്ത് രൂക്ഷമാണ്. പതിനഞ്ച് മിനിട്ട് മുതല് 30 മിനിട്ട് വരെ വൈദ്യുതി നിയന്ത്രണം ഏര്പ്പെടുത്തിയാണ് ഉയര്ന്ന വൈദ്യുതി ആവശ്യം കെഎസ്ഇബി നേരിടുന്നത്.
Read more
പുറത്ത് നിന്ന് 250 മെഗാവാട്ട് വൈദ്യുതി വാങ്ങാനുള്ള തീരുമാനം നടപ്പാകാതെ വന്നതോടെ വൈദ്യുതി പ്രതിസന്ധി കൂടുതല് രൂക്ഷമാകും. വൈദ്യുതി റെഗുലേറ്ററി കമീഷന് അനുമതി നല്കിയതിന് പിന്നാലെ കെഎസ്ഇബി, പവര് എക്സേഞ്ചിനെ സമീപിച്ചെങ്കിലും വൈദ്യുതി ലഭ്യമല്ലെന്ന മറുപടിയാണ് ലഭിച്ചത്. ഇതോടെ കൂടുതല് വൈദ്യുതി നിയന്ത്രണത്തിനും കെഎസ്ഇബി തയ്യാറെടുക്കുകയാണ്. പീക്ക് ലോഡ് മാനേജ്മെന്റ് എന്ന രീതിയിലാണ് വൈദ്യുതി നിയന്ത്രണം.
