തിരുവനന്തപുരം: സംസ്ഥാനത്ത് ഇന്ന് 7427 പേരില്‍ കോവിഡ് ബാധ സ്ഥിരീകരിച്ചു. കഴിഞ്ഞ 24 മണിക്കൂറിനിടെ പരിശോധിച്ച 70,709 സാംപിളുകളില്‍ നിന്നാണിത്. 62 കോവിഡ് മരണങ്ങളാണ് റിപ്പോര്‍ട്ട് ചെയ്യപ്പെട്ടത്.
തിരുവനന്തപുരം ജില്ലയിലാണ് ഇന്ന് ഏറ്റവുമധികം രോഗബാധിതരുണ്ടായത്, 1001. കോഴിക്കോട്-(997), എറണാകുളം- (862), തൃശൂര്‍- (829), കൊല്ലം- (627), കോട്ടയം- (562), പത്തനംതിട്ട- (430), മലപ്പുറം -(394), പാലക്കാട്- (382), കണ്ണൂര്‍- (349), വയനാട്- (310), ആലപ്പുഴ- (285), ഇടുക്കി- (280), കാസര്‍കോട്-(119) എന്നിങ്ങനെ മറ്റു ജില്ലകളിലെ രോഗബാധ. കേന്ദ്രസര്‍ക്കാരിന്റെ പുതിയ മാര്‍ഗ നിര്‍ ദേശമനുസരിച്ച് അപ്പീല്‍ നല്‍കിയ 39 മരണങ്ങളും മതിയായ രേഖകളില്ലാത്തത് കാരണം സ്ഥിരീകരിക്കാതിരുന്ന കഴിഞ്ഞ ജൂണ്‍ 18 വരെയുള്ള 257 മരണങ്ങളും റിപ്പോര്‍ട്ട് ചെയ്തിട്ടുണ്ട്.
Read more
വിവിധ ജില്ലകളിലായി 2,75,185 പേര്‍ നിരീക്ഷണത്തിലാണ്. ഇവരില്‍ 2,67,835 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റീനിലും 7350 പേര്‍ ആശുപത്രികളിലും കഴിയുന്നു. 597 പേരെ പുതുതായി ആശുപത്രിയില്‍ പ്രവേശിപ്പിച്ചിരുന്നു.
