പ്രധാനമന്ത്രി നരേന്ദ്രമോദി സംഘടിപ്പിച്ച ക്രിസ്മസ് വിരുന്നില്‍ പങ്കെടുത്ത കത്തോലിക്ക സഭ ബിഷപ്പുമാരെ അപമാനിച്ചുവെന്ന് ആരോപിച്ച് മന്ത്രി സജി ചെറിയാനെതിരെ പൊലീസില്‍ പരാതി. മതസ്പര്‍ധയുണ്ടാക്കും വിധം പ്രകോപനപരമായി ബിഷപ്പുമാര്‍ക്കെതിരേ പൊതുപരിപാടിയില്‍ പ്രസംഗിച്ചെന്നാരോപിച്ച് പരാതി നല്‍കിയിരിക്കുന്നത്.
ബി.ജെ.പി. ലീഗല്‍ സെല്‍ ജില്ലാ കണ്‍വീനര്‍ അഡ്വ. ഹരീഷ് കാട്ടൂര്‍ ആണ് ആലപ്പുഴ ജില്ലാ പോലീസ് മേധാവിക്ക് പരാതി നല്‍കിയത്.കഴിഞ്ഞ 31ന് പുന്നപ്രയിലായിരുന്നു മന്ത്രിയുടെ വിവാദ പ്രസംഗം.
Read more
ബി.ജെ.പി നേതാക്കള്‍ വിളിച്ചാല്‍ ചില ബിഷപ്പുമാര്‍ക്ക് പ്രത്യേക രോമാഞ്ചമാണെന്നും മുന്തിരി വീഞ്ഞും കേക്കും ആസ്വദിക്കുന്നതിനാണ് അവര്‍ മുന്‍ഗണന നല്‍കിയതുമെന്നുള്ള മന്ത്രിയുടെ അപമാനകരമായ വാക്കുകള്‍ വിശ്വാസികളുടെ മതവികാരം വ്രണപ്പെടുത്തിയെന്ന് പരാതിയില്‍ പറയുന്നു. തന്റെ പ്രസ്താവന വിവാദമവയതിനെ തുടര്‍ന്ന് മന്ത്രി നേരിട്ട് ഈ പ്രസ്താവന പിന്‍വലിച്ചിരുന്നു. ഇതിന് ശേഷമാണ് ബിജെപി കേസ് നല്‍കിയിരിക്കുന്നത്.
