പൊലീസ് നിയമഭേദഗതി നടപ്പാക്കാൻ ഉദ്ദേശിക്കുന്നില്ലെന്ന മുഖ്യമന്ത്രിയുടെ പ്രസ്താവന തട്ടിപ്പാണെന്നും മാധ്യമ മാരണ നിയമം പിൻവലിക്കുകയാണ് ചെയ്യേണ്ടതെന്നും പ്രതിപക്ഷ നേതാവ് രമേശ് ചെന്നിത്തല.
ഒരു നിയമം നിലവിൽ വന്ന ശേഷം അത് നടപ്പാക്കില്ലന്ന് പറയാൻ മുഖ്യമന്ത്രിക്കെന്നല്ല ആർക്കും കഴിയില്ല. നിയമം പിൻവലിക്കാതിരുന്നാൽ പൊലീസിന് അതുപയോഗിച്ച് കേസുകൾ രജിസ്റ്റർ ചെയ്യാനാകുമെന്നും ചെന്നിത്തല പറഞ്ഞു.
ഭേദഗതി നടപ്പിലാക്കില്ലന്ന് സർക്കാർ പറഞ്ഞാലും അത് നിയമമായി നിലനിൽക്കുന്നകാലത്തോളം പൊലീസിന് ഇതുപയോഗിച്ച് കേസുകൾ രജിസ്റ്റർ ചെയ്യാം. നടപ്പാക്കില്ലന്ന മുഖ്യമന്ത്രിയുടെ ഉറപ്പ് ഏട്ടിലെ പശു മാത്രമാണ്.
ഇന്ത്യൻ ഭരണഘടന ഉറപ്പു നൽകുന്ന മൗലികാവശത്തിന് നേരെയുളള ശക്തമായ കടന്നുകയറ്റമാണ് പൊലീസ് നിയമ ഭേദഗതിയിലൂടെ കൊണ്ടുവന്നിരിക്കുന്നത്.
Read more
അഭിപ്രായസ്വാതന്ത്ര്യത്തെയും അവകാശങ്ങളെയും ചവിട്ടി മെതിക്കുകയാണ്. വിവാദനിയമം പിൻവലിച്ച് മുഖ്യമന്ത്രി ജനങ്ങളോട് മാപ്പു പറയണമെന്ന് ചെന്നിത്തല ആവശ്യപ്പെട്ടു.