പാലക്കാട് സ്ഥാനാർത്തി ശോഭ സുരേന്ദ്രൻ വോട്ടിന് വേണ്ടി പണം നല്കിയെന്ന പരാതിയില് ഇടപെട്ട് തെരഞ്ഞെടുപ്പ് കമ്മീഷന്. സംഭവത്തിൽ കേസ് എടുക്കാന് മുഖ്യ തെരഞ്ഞെടുപ്പ് ഓഫീസര് പൊലീസിന് നിര്ദ്ദേശം നല്കി. ജില്ലാ കളക്ടറുടെ റിപ്പോര്ട്ട് അടിസ്ഥാനമാക്കിയാണ് നിര്ദ്ദേശം.
ദൃശ്യങ്ങള് പുറത്ത് വന്നപ്പോള് തന്നെ മുഖ്യ തെരഞ്ഞെടുപ്പ് ഓഫീസര് രത്തന് ഖേല്ക്കര് ഇടപെടുകയും ജില്ലാ കളക്ടറോട് അടിയന്തരമായി റിപ്പോര്ട്ട് സമര്പ്പിക്കാനുള്ള നിര്ദേശം നല്കുകയും ചെയ്തിരുന്നു. കൂടാതെ ജില്ലാ പൊലീസ് മേധാവിയോട് സംസ്ഥാന പൊലീസ് മേധാവിയും റിപ്പോര്ട്ട് ആവശ്യപ്പെട്ടിട്ടുണ്ട്.
Read more
എന്നാൽ പണം നൽകിയെന്ന ആരോപണം ശോഭ സുരേന്ദ്രൻ തള്ളിയിരിക്കുകയാണ്. ഒരു സ്ത്രീ എന്ന നിലയിൽ തന്നെയും പാലക്കാട്ടെ വോട്ടർമാരെയും അപമാനിക്കാനുള്ള ബോധപൂർവമായ ശ്രമമാണ് ചില മാധ്യമങ്ങളിലൂടെയും രാഷ്ട്രീയ എതിരാളികളിലൂടെയും നടന്നതെന്ന് ശോഭ സുരേന്ദ്രൻ ആരോപിച്ചു.
