ഇഡിക്കെതിരായ ആക്രമണം പിണറായിയെ പ്രതിപക്ഷ നേതാവ് സ്ഥാനത്ത് നിന്ന് മാറ്റാനുള്ള സിപിഐഎം – ഡിവൈഎഫ്ഐ സൂത്രമെന്ന് വിമർശിച്ച് നടനും ബിജെപി നേതാവുമായ ദേവന്. നെഗറ്റീവ് ഇംപാക്ട് ആണ് സിപിഐഎമ്മിനും ഡിവൈഎഫ്ഐക്കും ഉണ്ടാകാന് പോകുന്നതെന്ന് പറഞ്ഞ ദേവൻ നമ്മുടെ മുന് മുഖ്യമന്ത്രി വലിയൊരു ഇഷ്യുവിലേക്ക് നടന്നുകൊണ്ടിരിക്കുകയാണെന്നും പറഞ്ഞു.
ഇന്നലെയായിരുന്നു പ്രതിപക്ഷ നേതാവ് പിണറായി വിജയന്റെ തിരുവനന്തപുരത്ത വസതിയിലെ റെയ്ഡ് കഴിഞ്ഞ് മടങ്ങിയ ഇഡി സംഘത്തെ പ്രതിഷേധ പ്രകടനവുമായി എത്തിയ സിപിഎം പ്രവർത്തകർ ആക്രമിച്ചത്. പിണറായിയെ കൂടുതല് അപകടത്തിലേക്ക് എത്തിക്കാന് വേണ്ടി അവരുടെ പാര്ട്ടിയും ഡിവൈഎഫ്ഐയും കൂടി ചേര്ന്ന് ചെയ്തതായിട്ടാണ് എനിക്ക് തോന്നുന്നത് എന്നും ദേവൻ കൂട്ടിച്ചേർത്തു.
Read more
അവരുടെ പാര്ട്ടിയില് തന്നെ പിണറായി വിജയന് സാറിനെ ഒറ്റപ്പെടുത്താനുള്ള ധാരാളം ശ്രമങ്ങള് നടക്കുന്നുണ്ട്. എല്ലാ കമ്മിറ്റികളിലും അത് വളരെ പ്രകടമായി നമ്മള് കാണുന്നുണ്ട്. പിണറായി വിജയന് പ്രതിപക്ഷ നേതാവാകരുത് എന്ന് പറയുകയാണ്. ഇത് സിപിഐഎമ്മും ഡിവൈഎഫ്ഐയും ഒത്തുകളിച്ചിട്ട് പിണറായി വിജയന് പ്രശ്നമുണ്ടാക്കാന് വേണ്ടി ഉണ്ടാക്കിയൊരു നാടകം തന്നെയാണെന്നാണ് എനിക്ക് തോന്നുന്നതെന്നും ദേവൻ പറഞ്ഞു.
