ആം ആദ്മി പാര്ട്ടി കേരളത്തിലെ എല്ലാ കമ്മിറ്റികളും പിരിച്ചുവിട്ടു. സംഘടനകാര്യ ജനറല് സെക്രട്ടറി സന്ദീപ് പതക്ക് വാര്ത്താ കുറിപ്പിലൂടെയാണ് ഇക്കാര്യം വ്യക്തമാക്കിയത്. ഉടന് തന്നെ പുതിയ കമ്മിറ്റിയെ നിയോഗിച്ചുകൊണ്ടുള്ള അറിയിപ്പ് ഉണ്ടാകുമെന്നും കുറിപ്പില് പറയുന്നു.
പാര്ട്ടി കമ്മിറ്റികള് പുനഃസംഘടിപ്പിക്കുന്നതിന്റെ ഭാഗമായിട്ടാണ് ഈ നടപടി. 2024-ല് നടക്കാനിരിക്കുന്ന ലോക്സഭാ തിരഞ്ഞെടുപ്പ് മുന്നില് കണ്ടാണ് നീക്കം. ലോക്സഭാ തിരഞ്ഞെടുപ്പിന് മുന്നോടിയായി കേരളത്തില് ശക്തമായ സാന്നിധ്യമായി മാറുകയെന്ന ലക്ഷ്യത്തിലാണ് പാര്ട്ടിക്കുണ്ട്. എന്നാല് നിലവിലെ നേതൃത്വം അതിന് ഉദകുന്നതല്ല എന്ന വിലയിരുത്തലിന്റെ അടിസ്ഥാനത്തിലാണ് ഈ പിരിച്ചുവിടല്.
ജനുവരി പത്തിന് കേരളത്തില് നിന്നുള്ള പ്രധാനപ്പെട്ട നേതാക്കളെ ഡല്ഹിയില് വിളിപ്പിച്ച് പ്രത്യേക യോഗം ചേര്ന്നിരുന്നു. സന്ദീപ് പതക്കിന്റെ നേതൃത്വത്തിലായിരുന്നു യോഗം. ഇതിനു പിന്നാലെയാണ് സുപ്രധാന തീരുമാനം ഉണ്ടായിരിക്കുന്നത്.
Read more
ഇന്ത്യയിലെ മറ്റു ചില സംസ്ഥാനങ്ങളില് മുന്നേറ്റമുണ്ടാക്കാന് സാധിച്ചിരുന്നെങ്കിലും കേരളത്തിലേക്ക് ആ ആവേശം പകര്ത്താന് പാര്ട്ടിക്ക് സാധിച്ചിരുന്നില്ല.