ബിജെപി റാലിയിൽ ആരും മാസ്ക്ക് വെക്കാത്തതിനെക്കുറിച്ച് മാധ്യമപ്രവർത്തകൻ ചോദിച്ചപ്പോൾ ഒരു പാർട്ടി പ്രവർത്തകന്റെ വിശദീകരണം വൈറൽ ട്രോളായി. ” ഞങ്ങൾ കൊറോണയെ ഭയക്കുന്നില്ല. ഞാൻ വെയിലത്തുനിൽക്കുമ്പോൾ കൊറോണ ഓടിക്കളയുന്നു. എത്ര വിയർക്കുന്നോ അത്രയും കൊറോണ നശിക്കും” എന്നാണ് ഇദ്ദേഹത്തിന്റെ അവകാശവാദം. (വീഡിയോ കാണാം)
വിദ്യാഭ്യാസം ലഭിക്കാത്ത ഒരു ഗ്രാമീണന്റെ വാക്കുകൾ എന്ന നിലയിൽ ഇതിനെ അവഗണിക്കാവുന്നതാണെങ്കിലും ഭീഷണമായ ഒരു രോഗം പടർന്നുപിടിച്ചുകൊണ്ടിരിക്കുമ്പോഴും അതേക്കുറിച്ച് വേണ്ടവണ്ണം ബോധവത്ക്കരണം നടത്താൻ സർക്കാർ പരാജയപ്പെടുന്നതിന്റെ ഒരുദാഹരണം മാത്രമാണിത് എന്നാണ് പ്രതികരണങ്ങൾ. മുതിർന്ന നേതാക്കന്മാർ പോലും തീർത്തും അശാസ്ത്രീയമായ പ്രസ്താവനകളാണ് പല സന്ദർഭങ്ങളിലും നടത്തിയിട്ടുള്ളത്.
Read more
ശാരീരിക അകലം പാലിക്കാതെയും വേണ്ടവണ്ണം മാസ്ക് ധരിക്കാതെയും മുപ്പതുലക്ഷം മനുഷ്യർ ഒത്തുകൂടിയ കുംഭമേളയെക്കുറിച്ച് ഉത്തരാഖണ്ഡ് മുഖ്യമന്ത്രി തീരാത്ത് സിംഗ് റാവത്ത് പറഞ്ഞത് ” കുംഭമേള തബ്ലീഗുമായി താരതമ്യം ചെയ്യരുത്. കുംഭമേളയ്ക്കു വരുന്ന ഭക്തർക്ക്ർ കൊറോണ വരില്ല” എന്നായിരുന്നു. ആസ്സാമിൽ നിന്നുള്ള ബിജെപി എം എൽ എ സുമൻ ഹരിപ്രിയ കൊറോണാ മുക്തിക്കായി ജനങ്ങളോട് ചാണകക്കുളിയും ഗോമൂത്രസേവയും നിർദ്ദേശിച്ചത് നിരവധി ഉദാഹരങ്ങളിൽ ഒന്നുമാത്രമാണ്.
