‘നമ്മള്‍’ സിനിമയിലെ നായികയായി വന്ന് ശ്രദ്ധ നേടിയ നടിയായിരുന്നു രേണുക മേനോന്‍. നിരവധി സിനിമകളില്‍ അഭിനയിച്ചുവെങ്കിലും താരം പതിയെ സിനിമയില്‍ നിന്നെല്ലാം മാറി നില്‍ക്കുകയായിരുന്നു. സിനിമയില്‍ സജീവമല്ലെങ്കിലും സോഷ്യല്‍ മീഡിയയില്‍ ഇപ്പോഴും സജീവമാണ് രേണുക.
വിവാഹത്തോടെ രേണുക അമേരിക്കയിലേക്ക് പോവുകയായിരുന്നു. കാലിഫോര്‍ണിയയിലാണ് താമസമെങ്കിലും മക്കളെ മലയാളം പഠിപ്പിക്കാനായി വീട്ടില്‍ മലയാളം സംസാരിക്കണമെന്നത് രേണുകയ്ക്ക് നിര്‍ബന്ധമാണ്. സ്വാതിയും അനികയുമാണ് രേണുകയുടെ മക്കള്‍.
എന്നാല്‍ തങ്ങളുടെ അമ്മ അഭിനേത്രിയായിരുന്ന കാര്യമൊന്നും മക്കള്‍ക്ക് അറിയില്ലായിരുന്നു എന്ന് നേരത്തെ രേണുക പറഞ്ഞിരുന്നു. മായാമോഹിതചന്ദ്രന്‍ എന്ന ചിത്രത്തിലാണ് രേണുക മേനോന്‍ ആദ്യമായി ക്യാമറയ്ക്ക് മുന്നിലെത്തുന്നത്. പക്ഷെ നിര്‍ഭാഗ്യവശാല്‍ ആ സിനിമ റിലീസായില്ല. പിന്നാലെയായിരുന്നു നമ്മള്‍ രേണുകയെ തേടിയെത്തിയത്.
നമ്മളിന് ശേഷം നിരവധി അവസരങ്ങള്‍ ലഭിച്ചുവെങ്കിലും രേണുക അധികകാലം സിനിമയില്‍ സജീവമായിരുന്നില്ല. വിവാഹശേഷം കാലിഫോര്‍ണിയയിലേക്ക് പോവുകയായിരുന്നു. വിവാഹശേഷവും സിനിമയില്‍ നിന്നും ചാനലുകളില്‍ നിന്നുമെല്ലാം അവസരങ്ങള്‍ തേടി വന്നിരുന്നു. എന്നാല്‍ അതൊന്നും സ്വീകരിച്ചില്ല എന്നാണ് രേണുക പറയുന്നത്.
Read more
താന്‍ ബന്ധം നിലനിര്‍ത്തുന്ന കാര്യത്തിലൊക്കെ മഹാമോശമാണെന്നും രേണുക പറയുന്നുണ്ട്. അതിനാല്‍ തനിക്ക് സിനിമയില്‍ നിന്നുള്ള ബന്ധങ്ങള്‍ വളരെ കുറവാണ്. സിനിമയില്‍ അഭിനയിക്കുന്നതൊന്നും തനിക്കൊരിക്കലും മിസ് ചെയ്യുന്നില്ലെന്നും രേണുക പറയുന്നുണ്ട്.
