രജിത് കുമാറും ഡോ. റോബിന്‍ രാധാകൃഷ്ണനും എത്തിയതോടെ ബിഗ് ബോസില്‍ പുതിയ നീക്കങ്ങള്‍. ആദ്യമായാണ് മലയാളം ബിഗ് ബോസില്‍ മുന്‍ സീസണുകളിലെ താരങ്ങള്‍ എത്തുന്നത്. ഈ സീസണിന്റെ ഒഴുക്കന്‍ മട്ട് മാറ്റി ഗെയിം ചെയ്ഞ്ച് കൊണ്ടുവരാനാണ് ഇരുവരും അവിടെ എത്തിയിരിക്കുന്നത്.
സെയ്ഫ് ഗെയിം, ഗ്രൂപ്പ് കളി, നന്മമരം, ലവ് ട്രാക്ക് തുടങ്ങിയ സ്ട്രാറ്റജികള്‍ ഉപയോഗിച്ചാണ് കഴിഞ്ഞ അമ്പത് ദിവസവും ഹൗസിലെ മത്സരാര്‍ഥികള്‍ കളിച്ചിരുന്നത്. എന്നാല്‍ ഇത് പ്രേക്ഷകരില്‍ മടുപ്പ് ഉണ്ടാക്കുകയും ബിഗ് ബോസിന്റെ റേറ്റിംഗ് കുത്തനെ ഇടിയുകയുമായിരുന്നു.
ഇതോടെയാണ് രണ്ടാമത്തെ സീസണിലെയും നാലാമത്തെ സീസണിലെയും ജനപ്രിയ മത്സരാര്‍ത്ഥികളായ രജിത് കുമാറും റോബിനും വീണ്ടും ബിഗ് ബോസ് ഹൗസിലെത്തിയത്. കഴിഞ്ഞ ദിവസം ഹോട്ടല്‍ ടാസ്‌ക് ആണ് ഹൗസില്‍ നടന്നത്. ഹോട്ടലിലെ ജീവനക്കാരെ ഇമ്പ്രസ് ചെയ്യിച്ച് അതിഥികളുടെ കയ്യില്‍ നിന്നും പണം കരസ്ഥമാക്കണം.
എന്നാല്‍ ഭേദപ്പെട്ട ലാഭം നേടാന്‍ ആര്‍ക്കും സാധിച്ചിട്ടുമില്ല. ഇതിനിടയില്‍ രജിത്തിന്റെ പക്കലുള്ള പണം സാഗര്‍ അടിച്ചു മാറ്റുന്നുവെന്നാണ് ഇന്നത്തെ എപ്പിസോഡ് പ്രൊമോയില്‍ നിന്നും വ്യക്തമാകുന്നത്. ഇത് തര്‍ക്കത്തിന് വഴിവച്ചിട്ടുണ്ട്. ഇത് സെക്യൂരിറ്റിയുടെ വീഴ്ച കൂടിയാണെന്ന് റോബിന്‍ പ്രൊമോയില്‍ പറയുന്നുണ്ട്.
Read more
‘നമ്മുടെ നെഞ്ചത്തേക്ക് കയറുകയാണെങ്കില്‍, എങ്ങനെയാണ് ഈ ഹോട്ടല്‍ എന്ന സംഭവം മുന്നോട്ട് കൊണ്ടുപോകാന്‍ സാധിക്കുക എന്നാണ് രജിത്ത് പറയുന്നത്. ഇതിനിടയില്‍ ശ്രുതിയെ അടിക്കാനായി ലാത്തി വീശുന്ന അഖിലിനെയും വീഡിയോയില്‍ കാണാം.
