ഉപ്പും മുളകിലൂടെ ലച്ചു എന്ന കഥാപാത്രമായി എത്തി പ്രേക്ഷക ഹൃദയം കീഴടക്കിയ നടിയാണ് ജൂഹി രുസ്തഗി. എന്നാല്‍ പരിപാടിയിലെ വിവാഹത്തിന് ശേഷം ജൂഹി പരമ്പര വിട്ടിരുന്നു. ഇപ്പോല്‍ പഠനത്തിരക്കിലും വിവാഹ സ്വപ്‌നങ്ങളിലുമാണ് ജൂഹി. രോവിന്‍ ജോര്‍ജാണ് ജൂഹിയുടെ ഭാവിവരന്‍. ജൂഹിയും രോവിനുമൊത്തുമുള്ള ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. വിവാഹത്തെ കുറിച്ച് ഇപ്പോള്‍ മനസു തുറന്നിരിക്കുകയാണ് ജൂഹി.
“വിവാഹത്തിന് ഒരുവര്‍ഷമെടുക്കും. ഞങ്ങള്‍ക്ക് ചില പ്ലാനുകളുണ്ട്. ഒരു യുട്യൂബ് ചാനല്‍ തുടങ്ങിയിട്ടുണ്ട്. ജിപ്സി ട്രാവലിങ്ങാണ് അതിന്റെ പ്രത്യേകത. ഓരോ സ്ഥലത്തും പോയി അവിടെയുള്ള ഉള്‍ ഗ്രാമങ്ങളില്‍ താമസിക്കും. കുറച്ചു ദിവസം അവിടെ ചെലവഴിച്ച് പിന്നെ മറ്റൊരു നാട്ടിലേക്ക്.അതിന്റെ വര്‍ക്കുകള്‍ നടന്നുകൊണ്ടിരിക്കുകയാണ്.” ഗൃഹലക്ഷ്മിയുമായുള്ള അഭിമുഖത്തില്‍ ജൂഹി പറഞ്ഞു.
Read more
“രണ്ടുപേരുടെയും പഠിത്തം പൂര്‍ത്തിയാക്കാനുണ്ട്. എം.ബി.ബി.എസ് കഴിഞ്ഞു. എനിക്ക് പിജി പരീക്ഷ എഴുതാനുണ്ട്. ഒരു മാസം മുമ്പാണ് ഓസ്ട്രേലിയയില്‍ നിന്ന് എത്തിയത്. എല്ലാം ഒന്ന് സെറ്റായശേഷമേ വിവാഹമുണ്ടാവൂ.” രോവിന്‍ പറഞ്ഞു.
