സാമന്തയും നാഗചൈതന്യയും ഒന്നിച്ച് അഭിനയിച്ച ‘യേ മായ ചേസവേ’ എന്ന തെലുങ്ക് ചിത്രം റീ റിലീസിന് ഒരുങ്ങുന്നു. 15 വർഷം മുമ്പ് റൊമാന്റിക് ഡ്രാമ ജോണറിൽ പുറത്തിറങ്ങിയ ചിത്രം ജൂലൈ 18നാണ് റീ റിലീസിനെത്തുക എന്നാണ് റിപോർട്ടുകൾ.

വിണ്ണൈ താണ്ടി വരുവായ എന്ന തമിഴ് സിനിമയുടെ തെലുങ്ക് റീമേക്കാണ് ഗൗതം വാസുദേവ് മേനോൻ സംവിധാനം ചെയ്ത് 2010ൽ പുറത്തിറങ്ങിയ യേ മായ ചേസവേ. സിമ്പു, തൃഷ എന്നിവർ ഒരുമിച്ചെത്തിയ ചിത്രത്തിൽ സാമന്തയും നാഗചൈതന്യയും അഭിനയിച്ചിരുന്നു.

സാമന്തയും ചൈതന്യയും ആദ്യമായി ഒന്നിച്ച് അഭിനയിച്ച യേ മായ ചേസവേ എന്ന ചിത്രത്തിന്റെ സെറ്റുകളിൽ വെച്ചാണ് ഇരുവരും പ്രണയത്തിലാകുന്നതും. 2017-ൽ വിവാഹിതരായ ഇരുവരും 2021-ൽ നിയമപരമായി വേർപിരിഞ്ഞു.

എന്തായാലും ചിത്രത്തിന്റെ പ്രൊമോഷൻ പരിപാടികളിൽ സാമന്തയും നാഗചൈതന്യയും ഒരുമിച്ചെത്തുമോ എന്നാണ് ആരാധകരുടെ ചോദ്യം.