പ്രണയത്തേയും പ്രണയഗാനങ്ങളെയും എക്കാലത്തും നെഞ്ചിലേറ്റിയ മലയാളികള്‍ക്കായി സത്യം ഓഡിയോസ് ഒരുക്കുന്ന ഏറ്റവും പുതിയ സംഗീതോപഹാരമാണ് “അവള്‍”. ആയുര്‍ജ്യോതി ആയുര്‍വേദ ഹോസ്പിറ്റല്‍ എം.ഡിയും ഡോക്ടറുമായ ലിജോ മന്നച്ചന്റെ വരികള്‍ക്ക് സംഗീതം പകര്‍ന്നിരിക്കുന്നത് സിനിമാ പിന്നണി ഗാനരംഗത്തും ഭക്തിഗാന രംഗത്തും വ്യക്തിമുദ്ര പതിപ്പിച്ച ശ്രീമതി ചിത്ര അരുണാണ്.
ചിത്ര ഈണം പകരുന്ന ആദ്യ ഗാനം കൂടിയാണിത്. പ്രണയഗീതങ്ങളെ തന്റെ സ്വതസിദ്ധമായ ആലാപന ശൈലികൊണ്ട് ആര്‍ദ്രമാക്കുന്ന മലയാളിയുടെ സ്വന്തം ഭാവഗായകന്‍ ശ്രീ പി.ജയചന്ദ്രന്റെ ശബ്ദത്തില്‍ ഗാനം കൂടുതല്‍ ഹൃദ്യമായിരിക്കുന്നു.
Read more
ഏറെക്കാലമായി ടെലിവിഷന്‍ സിനിമാരംഗങ്ങളില്‍ എഡിറ്ററായി പ്രവര്‍ത്തിച്ചു വരുന്ന മെന്റോസ് ആന്റണിയാണ് “അവള്‍”ക്ക് ദൃശ്യ സാക്ഷാത്കാരമൊരുക്കിയിരിക്കുന്നത്. നിഷ്‌കളങ്കമായ ഒരു ഗ്രാമീണ പ്രണയത്തിന്റെ അനുഭൂതി പകര്‍ന്നു നല്‍കുന്ന രംഗങ്ങള്‍ക്ക് സുരേഷ് ബാബുവിന്റെ ഛായാഗ്രഹണം മിഴിവേകുന്നു.
