2024 മലയാള സിനിമയുടെ സുവര്‍ണ കാലഘട്ടം. ഫെബ്രുവരി മുതല്‍ ഇങ്ങോട്ട് പുറത്തിറങ്ങിയ മിക്ക ചിത്രങ്ങളും 50 കോടി ക്ലബ്ബ് പിന്നിട്ടവയാണ്. ഫെബ്രുവരിയില്‍ ‘പ്രേമയുഗം ബോയ്‌സ്’ ആയിരുന്നു ഹിറ്റ് എങ്കില്‍ മാര്‍ച്ച് അവസാനത്തോടെ ‘ആടുജീവിതം’ ആഗോള ബോക്‌സ് ഓഫീസില്‍ ഇടം പിടിക്കുകയായിരുന്നു.
റിലീസ് ചെയ്തിട്ട് 16 ദിവസം കഴിഞ്ഞെങ്കിലും ചിത്രം വിജയകരമായി പ്രദര്‍ശനം തുടരുകയാണ്. ഇതിനൊപ്പം തന്നെ വിഷു റിലീസ് ആയി എത്തിയ ‘ആവേശം’, ‘വര്‍ഷങ്ങള്‍ക്ക് ശേഷം’, ‘ജയ് ഗണേഷ്’ എന്നീ ചിത്രങ്ങളും ബോക്‌സ് ഓഫീസില്‍ കുതിക്കുകയാണ്.
മലയാള സിനിമ ലോകമെമ്പാടും ട്രെന്‍ഡ് ആയിക്കൊണ്ടിരിക്കുകയാണ് എന്നതാണ് ബുക്ക് മൈ ഷോയുടെ ടിക്കറ്റ് റേറ്റിംഗില്‍ നിന്നുള്ള വിവരങ്ങള്‍ കഴിഞ്ഞ 24 മണിക്കൂറില്‍ മലയാള സിനിമയുടെ എക്കാലത്തെയും റെക്കോര്‍ഡ് ടിക്കറ്റ് സെയിലാണ് നടന്നിരിക്കുന്നത്.
TICKETS BOOKED ON BMS LAST 24HRS (12-4-24)#TheGoatLife 64K#Aavesham 171K#VarshangalkkuShesham 147K#JaiGanesh 9K#ManjummeelBoys 11K
TOTAL 400K+ MOVIE TICKETS BOOKED THROUGH BMS IN LAST 24 HR
BIGGEST EVER BMS SALES FOR MOLLYWOOD 🥵🔥🔥
2024 GOLDEN YEAR FOR MOLLYWOOD pic.twitter.com/UVQF5LjIMV
— MalayalamBO UPDATES (@MalayalaMoviees) April 13, 2024
ഫഹദ് ഫാസില്‍-ജിത്തു മാധവന്‍ ചിത്രം ആവേശത്തിന് മാത്രം 1,71,000 ടിക്കറ്റുകളാണ് ബുക്ക് ചെയ്തിരിക്കുന്നത്. വിനീത് ശ്രീനിവാസന്‍ ടീമിന്റെ വര്‍ഷങ്ങള്‍ക്ക് ശേഷം ചിത്രത്തിന്റെ 1,47,000 ടിക്കറ്റുകളാണ് 24 മണിക്കൂറിനിടെ ബുക്ക് ചെയ്യപ്പെട്ടിരിക്കുന്നത്.
ആടുജീവിതത്തിന്റെ 64,000 ടിക്കറ്റുകളാണ് ബുക്ക് ചെയ്തിരിക്കുന്നത്. ഫെബ്രുവരി 22ന് ആണ് റിലീസ് ചെയ്തതെങ്കിലും മാസങ്ങള്‍ക്കിപ്പുറവും ‘മഞ്ഞുമ്മല്‍ ബോയ്‌സ്’ പ്രദര്‍ശനം തുടരുന്നുണ്ട്. മഞ്ഞുമ്മല്‍ ബോയ്‌സിന്റെ 11,000 ടിക്കറ്റുകളാണ് ബുക്ക് ചെയ്തിരിക്കുന്നത്. ഉണ്ണി മുകുന്ദന്‍ ചിത്രം ജയ് ഗണേഷിന്റെ 9000 ടിക്കറ്റുകളാണ് ബുക്ക് ചെയ്തിരിക്കുന്നത്.
