നടി രശ്മിക മന്ദാന സഞ്ചരിച്ച വിമാനം സാങ്കേതിക തകരാറിനെ തുടർന്ന് തിരിച്ചിറക്കി. മുംബൈയിൽ നിന്നും ഹൈദരബാദിലേക്കുള്ള യാത്രയ്ക്കിടെയാണ് സംഭവം.
രശ്മിക തന്നെയാണ് സോഷ്യൽ മീഡിയയിലൂടെ ഇക്കാര്യമറിയിച്ചത്. എയർ വിസ്താരയിലായിരുന്നു താരം സഞ്ചരിച്ചിരിക്കുന്നത്. ‘ഇങ്ങനെയാണ് ഞങ്ങൾ മരണത്തിൽ നിന്നും രക്ഷപ്പെട്ടത്’ എന്നാണ് രശ്മിക ഇൻസ്റ്റഗ്രാം സ്റ്റോറിയിൽ കുറിച്ചത്. നടി ശ്രദ്ധ ദാസും രശ്മികയ്ക്ക് ഒപ്പമുണ്ടായയിരുന്നു.
യാത്ര തുടങ്ങി 30 മിനിറ്റുകൾക്കുള്ളിൽ ചില സാങ്കേതിക പ്രശ്നങ്ങൾ കണ്ടെത്തിയതിനെ തുടർന്ന് ഉടൻ തന്നെ വിമാനം തിരിച്ചിറക്കുകയായിരുന്നു. പകരം മറ്റൊരു വിമാനം ഏർപ്പെടുത്തുകയും യാത്ര തുടരുകയും ചെയ്തു.
Read more
അതേസമയം സന്ദീപ് റെഡ്ഡി വംഗ സംവിധാനം ചെയ്ത രൺബിർ കപൂർ ചിത്രം അനിമൽ ആയിരുന്നു രശ്മികയുടെ ഒടുവിലായി റിലീസ് ചെയ്ത ചിത്രം. അല്ലു അർജുൻ നായകനായെത്തുന്ന ‘പുഷ്പ 2’ ആണ് ഇനി വരാനിരിക്കുന്ന രശ്മികയുടെ ഏറ്റവും പുതിയ സിനിമ.
