കെജിഎഫ് സിനിമയുടെ നിര്മാതാക്കളായ ഹൊംബാലെ ഫിലിംസിന്റെ പാന് ഇന്ത്യ സിനിമ സംവിധാനം ചെയ്യാന് പൃഥ്വിരാജ്. ടൈസണ് എന്നു പേരിട്ടിരിക്കുന്ന ചിത്രത്തിന് തിരക്കഥ ഒരുക്കുന്നത് മുരളി ഗോപിയും. ലൂസിഫര്, ബ്രോ ഡാഡി, എമ്പുരാന് എന്നീ സിനിമകള്ക്ക് ശേഷം പൃഥ്വിരാജ് സംവിധാനം ചെയ്യുന്ന സിനിമയായിരിക്കും ഇത്.
നാലാമത്തെ സംവിധാനസംരംഭം. എമ്പുരാന് ശേഷമുള്ള അടുത്ത ചിത്രം. സഹോദരനും സുഹൃത്തുമായ മുരളി ഗോപിക്കൊപ്പം വീണ്ടും. ഇത്തവണ വലിയ ചിത്രം. ഞങ്ങളുടെ ഈ വീക്ഷണത്തെ പിന്തുണയ്ക്കാന് ഇന്ത്യന് സിനിമയിലെ വമ്പന് നിര്മാതാക്കളായ ഹൊംബാലെ ഫിലിംസ് ഒപ്പമുണ്ട്.’-പൃഥ്വിരാജ് കുറിച്ചു.
മലയാളത്തിനു പുറമെ കന്നഡ, തമിഴ്, തെലുങ്ക്, ഹിന്ദി ഭാഷകളിലുമായി പാന് ഇന്ത്യന് ചിത്രമായാണ് ഇത് എത്തുക. സിനിമയുടെ ടൈറ്റില് പോസ്റ്റര് നിര്മാതാക്കള് റിലീസ് ചെയ്തു. ചിത്രം സംബന്ധിച്ച് കൂടുതല് വിവരങ്ങളൊന്നും അണിയറക്കാര് പുറത്തുവിട്ടിട്ടില്ല. മുരളി ഗോപിയുടെ രചനയില് വരുന്ന എട്ടാമത്തെ ചിത്രമാണിത്.
Read more
പ്രമുഖ നിര്മാണക്കമ്പനിയായ ഹൊംബാലെ ഫിലിംസുമായി ഇതിനു മുമ്പും പൃഥ്വിരാജ് സഹകരിച്ചിട്ടുണ്ട്. അവര് നിര്മിച്ച ബ്രഹ്മാണ്ഡ ചിത്രം കെജിഎഫ് 2 കേരളത്തില് വിതരണം ചെയ്തത് പൃഥ്വിരാജ് പ്രൊഡക്ഷന്സ് ആയിരുന്നു. കൂടാതെ ഹൊംബാലെയുടെ അടുത്ത പ്രോജക്ട് ആയ പ്രഭാസ്-പ്രശാന്ത് നീല് ചിത്രം സലാറിലും പൃഥ്വിരാജ് അഭിനയിക്കുന്നുണ്ട്.