ടെക്‌നോ- ഹൊറര്‍ ത്രില്ലര്‍ ആയി ഒരുങ്ങുന്ന “ചതുര്‍മുഖം” ചിത്രത്തിന്റെ സെറ്റില്‍ പല അനിഷ്ടസംഭവങ്ങളും നടന്നെന്ന് നടി മഞ്ജു വാര്യര്‍. ലൊക്കേഷനില്‍ വിശ്വസിക്കാന്‍ പറ്റാത്ത പല കാര്യങ്ങളും നടന്നു എന്നാണ് കഴിഞ്ഞ ദിവസം നടന്ന പ്രസ് മീറ്റില്‍ മഞ്ജു വെളിപ്പെടുത്തിയിരിക്കുന്നത്. ആദ്യം അത്ര കാര്യമാക്കിയിരുന്നില്ല. പിന്നീടാണ് സംസാരമുണ്ടായത്. ഹൊറര്‍ സിനിമയായതു കൊണ്ടാണ് ഇത്തരം അനിഷ്ടസംഭവങ്ങള്‍ ഉണ്ടാവുന്നതെന്ന്.
അതോടെ ലൊക്കേഷനില്‍ എല്ലാവരിലും ഭയം വര്‍ദ്ധിച്ചു തുടങ്ങി. ഒരിക്കല്‍ തന്റെ മൊബൈലും നിലച്ചു. മറ്റുള്ളവരുടെ ഫോണുകള്‍ക്കും ഇതുപോലെ തന്നെ സംഭവിച്ചിരുന്നു. കാരണമറിയാതെ ഭയന്നു. എല്ലാവരും അതോടെ ഉറപ്പിച്ചു. ഹൊറര്‍ സിനിമയായതു കൊണ്ടാണെന്ന്. ഇന്നും ഉത്തരം കിട്ടാത്ത ചോദ്യമായി ആ സംഭവം തുടരുകയാണ്.
ഒരു പെയിന്റിംഗിന്റെ ഷോട്ട് എടുക്കുന്ന സീന്‍ ഉണ്ടായിരുന്നു. ഷോട്ട് എടുക്കുന്ന സമയത്ത് ആ പെയിന്റിംഗ് നിലത്തേയ്ക്ക് പതിച്ചു. ഇപ്പോള്‍ ഇവിടെയും ചില അനിഷ്ടങ്ങള്‍ നടന്നു എന്ന് മഞ്ജു പറഞ്ഞു. സണ്ണി വെയ്‌നും അലന്‍സിയറുമാണ് ചിത്രത്തിലെ മറ്റ് പ്രധാന കഥാപാത്രങ്ങള്‍. ഇവരെ കൂടാതെ ചിത്രത്തിലെ നാലാമത്തെ മുഖത്തെ കൂടി നഅണിയറ പ്രവര്‍ത്തകര്‍ കഴിഞ്ഞ ദിവസം പരിചയപ്പെടുത്തിയിരുന്നു.
Read more
രഞ്ജിത്ത് കമല ശങ്കറും, സലില്‍ വിയും ചേര്‍ന്നു സംവിധാനം ചെയ്യുന്ന ചിത്രത്തിന്റെ നിര്‍മ്മാണം ജിസ് ടോംസ് മൂവിയുടെ ബാനറില്‍ മഞ്ജു വാര്യര്‍ പ്രൊഡക്ഷന്‍സുമായി ചേര്‍ന്ന് ജിസ് ടോംസും, ജസ്റ്റിന്‍ തോമസും ചേര്‍ന്ന് നിര്‍വഹിക്കുന്നു. അഭയകുമാര്‍ കെ, അനില്‍ കുര്യന്‍ എന്നിവരാണ് ചിത്രത്തിന്റെ കഥ, തിരക്കഥ, സംഭാഷണം എന്നിവ ഒരുക്കുന്നത്.
