തല അജിത്തിനൊപ്പം ബൈക്ക് റാലിക്ക് പോയ വിശേഷങ്ങള്‍ നടി മഞ്ജു വാര്യര്‍ നേരത്തെ പങ്കുവച്ചിരുന്നു. ഇതിനൊപ്പം തനിക്ക് ബൈക്ക് ഓടിക്കാനുള്ള ആഗ്രഹവും താരം തുറന്നു പറഞ്ഞിരുന്നു. ടൂവീലര്‍ ലൈസന്‍സ് സ്വന്തമാക്കിയിരിക്കുകയാണ് മഞ്ജു വാര്യര്‍ ഇപ്പോള്‍.
എറണാകുളം കാക്കനാട് ആര്‍ടി ഓഫീസിന് കീഴിലായിരുന്നു താരം ടെസ്റ്റിന് പങ്കെടുത്തത്. തന്റെ പുതിയ ചിത്രമായ ‘ആയിഷ’ റിലീസിന് തയാറെടുക്കുന്നതിന്റെ തിരക്കുകള്‍ക്കിടയിലാണ് മഞ്ജു വാര്യര്‍ ലൈസന്‍സ് സ്വന്തമാക്കാനുള്ള ടെസ്റ്റ് പാസായത്.
അജിത്തിനൊപ്പം ഗംഭീര പെര്‍ഫോമന്‍സുമായാണ് മഞ്ജു ‘തുനിവ്’ ചിത്രത്തിലെത്തിയത്. ആക്ഷന്‍ രംഗങ്ങളിലെ താരത്തിന്റെ പെര്‍ഫോമന്‍സ് ഏറെ ശ്രദ്ധ നേടിരുന്നു. തുനിവിന്റെ ഷൂട്ടിംഗിനിടെ അജിത്തിനൊപ്പം ബൈക്ക് റൈഡിന് പോയ ചിത്രങ്ങള്‍ മഞ്ജു പങ്കുവച്ചിരുന്നു.
അജിത്ത് സാര്‍ ബൈക്ക് റാലിക്ക് വിളിച്ചപ്പോള്‍ വിശ്വസിക്കാന്‍ പോലും പറ്റിയില്ല എന്നായിരുന്നു താരം പറഞ്ഞത്. ഒരു ഭംഗിക്ക് വിളിച്ചതാവും എന്ന് തോന്നി. അതുകേട്ട് ചാടിപുറപ്പെട്ടാല്‍ അദ്ദേഹത്തിന് ബുദ്ധിമുട്ടായേക്കുമോ എന്നു പോലും ചിന്തിച്ചു.
Read more
ഒടുവില്‍ യാത്രയ്ക്ക് വേണ്ട സന്നാഹങ്ങളൊക്കെ ഒരുക്കി അജിത്ത് സാറിന്റെ മെസേജ് വന്നപ്പോളാണ് വിശ്വാസമായത്. പണ്ട് കണ്ട കാഴ്ചകള്‍ മാറിമറിഞ്ഞത് കണ്ടതായിരുന്നു ബൈക്ക് റൈഡില്‍ ആകര്‍ഷിച്ചത് എന്നാണ് മഞ്ജു വാര്യര്‍ ഒരു അഭിമുഖത്തില്‍ പറഞ്ഞത്.
