മമ്മൂട്ടിയുടെ ബ്രഹ്മാണ്ഡ ചരിത്രം സിനിമ മാമാങ്കം നവംബര്‍ 21 ന് റിലീസിന് എത്തുകയാണ്. ചിത്രത്തിനായി അക്ഷമരായി കാത്തിരിക്കുകയാണ് മമ്മൂട്ടി ആരാധകര്‍. ചിത്രത്തെ വരവേല്‍ക്കാനായി ആരാധകര്‍ ഒരുക്കങ്ങള്‍ തുടങ്ങി കഴിഞ്ഞു. ചിത്രം റിലീസ് തിയതിയില്‍ തന്നെ കാണാനായി അന്ന് നിശ്ചയിച്ചിരുന്ന തന്റെ വിവാഹം മാറ്റി നേരത്തെ വിവാഹം കഴിച്ച മമ്മൂട്ടി ആരാധകനാണ് ഇപ്പോള്‍ സോഷ്യല്‍ മീഡിയയില്‍ താരം.
മെയ്‌മോന്‍ സുരേഷ് എന്ന യുവാവാണ് ഇത്തരമൊരു പ്രവര്‍ത്തിയിലൂടെ സോഷ്യല്‍ മീഡിയയില്‍ താരമായത്. നവംബര്‍ 21 വിവാഹ തിയതിയായി പറഞ്ഞപ്പോള്‍ അന്ന് മാമാങ്കം റിലീസ് ആയതു കൊണ്ട് കല്യാണം മറ്റൊരു തിയതിലേക്ക് മാറ്റാന്‍ മെയ്‌മോന്‍ ആവശ്യപ്പെടുകയായിരുന്നു. ഇതു പ്രാകാരം മെയ്‌മോന്‍ കഴിഞ്ഞ ദിവസം രാവിലെ 11.30 നു ഉള്ള ശുഭ മുഹൂര്‍ത്തത്തില്‍ വിവാഹിതനാവുകയായിരുന്നു.
Read more
സാമൂതിരി ഭരണ കാലഘട്ടത്തിലെ ചാവേറുകളുടെയും മാമാങ്കത്തിന്റെയും കഥയാണ് ചിത്രം പറയുന്നത്. എം. പത്മകുമാറാണ് ചിത്രം സംവിധാനം ചെയ്യുന്നത്. ചിത്രത്തിന്റെ തിരക്കഥ ഒരുക്കിയത് ശങ്കര്‍ രാമകൃഷ്ണനാണ്. മലയാളത്തിനു പുറമേ, തമിഴ്, തെലുങ്ക്, ഹിന്ദി ഭാഷകളിലും ചിത്രം റിലീസ് ചെയ്യുന്നുണ്ട്. കനിഹ, അനു സിത്താര, സിദ്ദീഖ്, തരുണ്‍ അറോറ, സുദേവ് നായര്‍, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാന്‍, മാസ്റ്റര്‍ അച്യുതന്‍ എന്നിവരാണ് ചിത്രത്തിലെ മറ്റ് താരങ്ങള്‍. കാവ്യ ഫിലിം കമ്പനിയുടെ ബാനറില്‍ പ്രവാസി വ്യവസായിയായ വേണു കുന്നപ്പള്ളിയാണ് മാമാങ്കം നിര്‍മ്മിക്കുന്നത്.
