ലൂസിഫര്‍ രണ്ടാം ഭാഗം പ്രഖ്യാപിച്ച് അണിയറപ്രവര്‍ത്തകര്‍. രാജാവിനേക്കാള്‍ വലിയവന്‍ എന്നാല്‍ ദൈവത്തേക്കാള്‍ ചെറിയവന്‍ എന്ന കുറിപ്പോടെയാണ് ടീസര്‍ പുറത്തു വിട്ടിരിക്കുന്നത്. അടുത്തവര്‍ഷം പകുതിയോടെ ചിത്രീകരണം ആരംഭിക്കുമെന്ന് സംവിധായകന്‍ പൃഥ്വിരാജ് അറിയിച്ചു. ആദ്യഭാഗത്ത് നടന്ന കഥയുടെ തുടര്‍ച്ചയായിരിക്കുമെന്നും അതിനൊപ്പം ആ കഥയ്ക്ക് മുമ്പുള്ള കാര്യങ്ങളും സിനിമയിലുണ്ടാകും പൃഥ്വിരാജ് കൂട്ടിച്ചേര്‍ത്തു.
മലയാള സിനിമയിലെ ആദ്യത്തെ 200 കോടി ക്ലബ് നേട്ടം കൈവരിച്ച ചിത്രമാണ് ലൂസിഫര്‍ എന്നാണ് നിര്‍മ്മാതാവ് പുറത്തു വിട്ട വിവരം. 2019- ല്‍ പുറത്തിറങ്ങിയ സിനിമകളില്‍ ഏറ്റവുമധികം ബോക്‌സ് ഓഫീസ് ചലനം സൃഷ്ടിച്ച സിനിമയാണ് ലൂസിഫര്‍. കേരളക്കരയില്‍ നിന്നു മാത്രം 100 കോടിയുടെ അടുത്ത് കളക്ഷന്‍ നേടിയിരുന്നു, ഈ മോഹന്‍ലാല്‍ ചിത്രം.
