‘കെജിഎഫ്’ സിനിമകളിലൂടെ തരംഗം സൃഷ്ടിച്ച സംഗീത സംവിധായകന് രവി ബസ്രുര് ഇനി മലയാളത്തില്. ഉണ്ണി മുകുന്ദന് ചിത്രം ‘മാര്ക്കൊ’യ്ക്ക് രവി ബസ്രുര് സംഗീതമൊരുക്കും. തന്റെ സോഷ്യല് മീഡിയ പേജിലൂടെയാണ് ഇക്കാര്യം രവി ബസ്രുര് അറിയിച്ചിരിക്കുന്നത്. ഉണ്ണി മുകുന്ദനെ നായകനാക്കി ഹനീഫ് അഥേനി ഒരുക്കുന്ന പുതിയ ചിത്രമാണ് മാര്ക്കൊ.
ക്യൂബ്സ് എന്റര്ടെയ്ന്മെന്റ്സും യുഎഫ്എം പ്രൈവറ്റ് ലിമിറ്റഡും ചേര്ന്നാണ് നിര്മ്മാണം. ഷരീഫ് മുഹമ്മദ്, അബ്ദുള് ഗദ്ദാഫ് എന്നിവരാണ് ചിത്രത്തിന്റെ നിര്മ്മാതാക്കള്. പ്രശാന്ത് നീല് സംവിധാനം ചെയ്ത ‘ഉഗ്രാം’ എന്ന ചിത്രത്തിലൂടെയാണ് ചലച്ചിത്ര രംഗത്ത് രവി ബസ്രുര് അരങ്ങേറ്റം കുറിക്കുന്നത്.
View this post on Instagram
പ്രശാന്ത് നീലിന്റെ കെജിഎഫ് സീരിസുകളിലും, സലാര് സിനിമാ സീരിസിലും രവി ബസ്രുര് തന്നെയാണ് ഗാനങ്ങള് ഒരുക്കുന്നത്. സൗണ്ട് ഡിസൈനര്, ഗാനരചയിതാവ്, സംഗീത സംവിധായകന് എന്നീ മേഖലയില് ഭൂരിഭാഗവും കന്നഡ സിനിമകളില് തന്നെയാണ് രവി ബസ്രുര് പ്രവര്ത്തിച്ചിട്ടുള്ളത്.
ആദ്യമായാണ് സംഗീതസംവിധായകന് ഒരു മലയാളം സിനിമയില് പ്രവര്ത്തിക്കാന് ഒരുങ്ങുന്നത്. അതേസമയം, ‘ദി ഗ്രേറ്റ് ഫാദര്’, ‘അബ്രഹാമിന്റെ സന്തതികള്’ എന്നീ ആക്ഷന് മാസ് ചിത്രങ്ങള് ഒരുക്കിയ സംവിധായകനാണ് ഹനീഫ് അഥേനി.
Read more
മാര്ക്കൊ ഹനീഫിന്റെ ആക്ഷന് ചിത്രങ്ങളിലേക്കുള്ള തിരിച്ചു വരവായിരിക്കും. ചിത്രം ഈ വര്ഷം തന്നെ തിയേറ്ററുകളില് പ്രദര്ശനത്തിന് എത്തുമെന്നാണ് പ്രേക്ഷകരുടെ പ്രതീക്ഷ. മാര്ക്ക്റ്റിങ്: വിപിന് കുമാര്, ഡിജിറ്റല് മാര്ക്കറ്റിംങ് ആന്ഡ് പ്രൊമോഷന്സ്: ഒബ്സ്ക്യുറ എന്റെര്ടൈന്മെന്റ്.