“കര്‍ണന്‍ നെപ്പോളിയന്‍ ഭഗത്‌സിംഗ്. ഇവര്‍ മൂന്നു പേരുമാണ് എന്റെ ഹീറോസ്. യു സീ ദി ഐറണി, ഡോണ്ട് യൂ? മൂന്നു പേരും തോറ്റു പോയവരാണ്. അതുകൊണ്ട് പൊരുതി തോറ്റാല്‍ പോട്ടെന്നു വയ്ക്കും. പക്ഷേ കളിക്കുന്നത് എപ്പോഴും ജയിക്കാന്‍ വേണ്ടി മാത്രം ആയിരിക്കും.” സെവന്ത് ഡേയിലെ പൃഥ്വിരാജിന്റെ ഈ ഡയലോഗ് മലയാളികള്‍ മറക്കാനിടയില്ല. ഇപ്പോഴിതാ പൃഥ്വിയുടെ മാസ് ഡയലോഗില്‍ സിനിമ വരികയാണ്.
നവാഗതനായ ശരത് ജി മോഹന്‍ സംവിധാനം ചെയ്യുന്ന ചിത്രത്തിന് പേരിട്ടിരിക്കുന്നത് “കര്‍ണന്‍ നെപ്പോളിയന്‍ ഭഗത്‌സിംഗ്” എന്നാണ്. ഫസ്റ്റ് പേജ് എന്റര്‍ടെയ്ന്‍മെന്റിന്റെ ബാനറില്‍ നിര്‍മ്മിക്കപ്പെടുന്ന ചിത്രത്തിന്റെ ടൈറ്റില്‍ മോഷന്‍ പോസ്റ്ററും റിലീസ് ചെയ്തു. നായകന്‍ ഉള്‍പ്പെടെ ചിത്രത്തിന്റെ മറ്റ് വിവരങ്ങളൊന്നും പുറത്തുവിട്ടിട്ടില്ല.
Read more
പ്രശാന്ത് കൃഷ്ണയാണ് ചിത്രത്തിന് വേണ്ടി ക്യാമറ ചലിപ്പിക്കുന്നത്. റഫീഖ് അഹമ്മദ് എഴുതിയ ഗാനങ്ങള്‍ക്ക് സംഗീതം പകരുന്നത് രഞ്ജിന്‍ രാജാണ്.
