കങ്കണ റണൗത്ത് നായികയായെത്തുന്ന സിനിമയാണ് ‘എമര്‍ജന്‍സി’. മുന്‍ പ്രധാനമന്ത്രി ഇന്ദിരാ ഗാന്ധിയുടെ ജീവിതം പ്രമേയമാക്കി ഒരുങ്ങുന്ന സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍. ഇന്ദിരാഗാന്ധിയുടെ മേക്കോവറില്‍ ഒരു കണ്ണടയും കയ്യില്‍ പിടിച്ചിരിക്കുന്ന കങ്കണയാണ് പോസ്റ്ററിലുള്ളത്.കങ്കണയും പോസ്റ്റര്‍ ഇന്‍സ്റ്റാഗ്രാമിലൂടെ പങ്കുവെച്ചിട്ടുണ്ട്.
‘ലോക ചരിത്രത്തിലെ ഏറ്റവും ശക്തയായ സ്ത്രീയെ അവതരിപ്പിക്കുന്നു’ എന്ന കങ്കണ പോസ്റ്ററിന് താഴെ കുറിച്ചിരിക്കുന്നത്. കങ്കണ തന്നെയാണ് സിനിമയുടെ സംവിധാനവും നിര്‍വഹിക്കുന്നത്. ഇത് രണ്ടാം തവണയാണ് കങ്കണ സംവിധായികയുടെ തൊപ്പി അണിയുന്നത്. 2019 ല്‍ റാണി ലക്ഷ്മി ഭായിയുടെ ജീവിതം പ്രമേയമാക്കി ഒരുങ്ങിയ ‘മണികര്‍ണിക’യാണ് കങ്കണ മുന്‍പ് സംവിധാനം ചെയ്ത ചിത്രം.
‘എമര്‍ജന്‍സി’ ഒരു ജീവചരിത്ര സിനിമയല്ലെന്നും പൊളിറ്റിക്കല്‍ ഡ്രാമയാണെന്നും കങ്കണ ഒരു അഭിമുഖത്തതില്‍ പറഞ്ഞിരുന്നു. ഇത് ഇന്ദിരാഗാന്ധിയുടെ ജീവചരിത്രമല്ല. ഇത് ഒരു കാലഘട്ടത്തിന്റെ സിനിമയാണ്. എന്നും അഭിമുഖത്തില്‍ കങ്കണ പറഞ്ഞിരുന്നു.
Read more
റിതേഷ് ഷായുടേതാണ് തിരക്കഥ. ഓസ്‌കാര്‍, ബാഫ്റ്റ അവാര്‍ഡ് നേടിയ മേക്കപ്പ് ആര്‍ട്ടിസ്റ്റ് ഡേവിഡ് മാലിനോവ്‌സ്‌ക് ആണ് ‘എമര്‍ജന്‍സി’യ്ക്കായി മേക്കപ്പ് ഒരുക്കുന്നത്. മണികര്‍ണിക ഫിലിംസിന്റെ ബാനറില്‍ കങ്കണയും രേണു പിറ്റിയും ചേര്‍ന്നാണ് ചിത്രം നിര്‍മ്മിക്കുന്നത്.
