നടി ഇഷ ആല്യയുടെ മരണത്തില്‍ ഭര്‍ത്താവും നിര്‍മ്മാതാവുമായ പ്രകാശ് കുമാര്‍ അറസ്റ്റില്‍. മോഷണശ്രമം തടയുന്നതിനിടെ ഇഷ വെടിയേറ്റ് കൊല്ലപ്പെട്ടു എന്നായിരുന്നു വാര്‍ത്തകള്‍ വന്നിരുന്നത്. പ്രകാശ് കുമാര്‍ മാത്രമായിരുന്നു സംഭവത്തിലെ ദൃക്സാക്ഷി. ഇയാളുടെ മൊഴിയില്‍ പൊരുത്തക്കേടുകള്‍ കണ്ടെത്തിയതിനെ തുടര്‍ന്നാണ് അറസ്റ്റ്.
ഇഷയും പ്രകാശ് കുമാറും മകളും കൊല്‍ക്കത്തയിലേയ്ക്കുള്ള യാത്രയ്ക്കിടെ ആക്രമിക്കപ്പെടുകയായിരുന്നു. ഇന്നലെ രാവിലെ ആറിന് പശ്ചിമ ബംഗാളിലെ ഹൗറ ജില്ലയിലായിരുന്നു സംഭവം. ഇവര്‍ സഞ്ചരിച്ച കാര്‍ ബഗ്നാന്‍ പൊലീസ് സ്റ്റേഷന്‍ പരിധിയിലെ മഹിശ്രേഖയ്ക്ക് സമീപം മൂന്നംഗ സംഘം ആക്രമിക്കുകയായിരുന്നു.
അക്രമികളുടെ മര്‍ദ്ദനത്തിനിരയായ പ്രകാശ് കുമാറിനെ രക്ഷിക്കാന്‍ ശ്രമിക്കുന്നതിനിടെയാണ് ഇഷയ്ക്ക് വെടിയേല്‍ക്കുകയായിരുന്നു. തനിക്ക് എന്തെങ്കിലും ചെയ്യാനാവുന്നതിന് മുമ്പ് പ്രതികള്‍ കാറില്‍ കയറി രക്ഷപ്പെട്ടുവെന്നും പ്രകാശ് കുമാര്‍ പറഞ്ഞിരുന്നു.
Read more
സഹായം തേടി മൂന്ന് കിലോമീറ്ററോളം സഞ്ചരിച്ച ശേഷമാണ്, നാട്ടുകാരുടെ സഹായത്തോടെ ഇഷയെ ഉലുബേരിയയിലെ എസ്.സി.സി മെഡിക്കല്‍ കോളേജ് ആശുപത്രിയിലെത്തില്‍ എത്തിച്ചത്. എന്നാല്‍ ജീവന്‍ രക്ഷിക്കാനായില്ല. ഇവര്‍ക്കൊപ്പം മൂന്ന് വയസുള്ള മകളും ഉണ്ടായിരുന്നു.
