ഹണി റോസ് നായികയാകുന്ന ‘റേച്ചല്’ സിനിമയുടെ റിലീസ് ഡേറ്റ് പ്രഖ്യാപിച്ചു. ചിത്രം ഡിസംബര് ആറിന് തിയേറ്ററുകളിലെത്തും. ഈ വര്ഷം ജനുവരി 10ന് ആയിരുന്നു റേച്ചല് റിലീസ് ചെയ്യാന് തീരുമാനിച്ചിരുന്നത്. എന്നാല് ഈ ദിവസം ചിത്രം തിയേറ്ററുകളില് എത്തിയില്ല. സിനിമയുടെ ടെക്നിക്കല് ജോലി പൂര്ത്തിയാകാത്തതു കൊണ്ടാണ് റേച്ചല് വൈകുന്നത് എന്നായിരുന്നു ചിത്രത്തിന്റെ നിര്മ്മാതാക്കള് അറിയിച്ചത്.
അതേസമയം, ഏബ്രിഡ് ഷൈന് സഹനിര്മാതാവും സഹ രചയിതാവുമാകുന്ന ചിത്രം സംവിധാനം ചെയ്തിരിക്കുന്നത് പുതുമുഖ സംവിധായികയായ ആനന്ദിനി ബാലയാണ്. ബാദുഷ പ്രൊഡക്ഷന്സിന്റെ ബാനറില് എന്എം ബാദുഷയും രാജന് ചിറയിലും എബ്രിഡ് ഷൈനും ചേര്ന്നാണ് ചിത്രം നിര്മ്മിക്കുന്നത്. പ്രതികാരത്തിന്റെ ആഴമേറിയ കഥയാവും ‘റേച്ചല്’ എന്നാണ് പോസ്റ്റര് സൂചിപ്പിക്കുന്നത്.
View this post on Instagram
ബാബുരാജ്, കലാഭവന് ഷാജോണ്, റോഷന് ബഷീര്, ചന്തു സലിംകുമാര്, രാധിക രാധാകൃഷ്ണന്, ജാഫര് ഇടുക്കി, വിനീത് തട്ടില്, ജോജി, ദിനേശ് പ്രഭാകര്, പോളി വത്സന്, വന്ദിത മനോഹരന് തുടങ്ങിയവരും ചിത്രത്തില് പ്രധാന വേഷങ്ങളില് എത്തുന്നുണ്ട്. രാഹുല് മണപ്പാട്ടിന്റെ കഥക്ക് രാഹുല് മണപ്പാട്ടും എബ്രിഡ് ഷൈനും ചേര്ന്നാണ് തിരക്കഥയൊരുക്കുന്നത്.
Read more
സംഗീതം, പശ്ചാത്തലസംഗീതം: ഇഷാന് ഛബ്ര, എഡിറ്റര്: മനോജ്, ഛായാഗ്രഹണം: സ്വരൂപ് ഫിലിപ്പ്, പ്രൊഡക്ഷന് ഡിസൈനര്: സുജിത്ത് രാഘവ്, സൗണ്ട് ഡിസൈന്: ശ്രീ ശങ്കര്, സൗണ്ട് മിക്സ്: രാജകൃഷ്ണന് എം ആര്, എക്സിക്യൂട്ടീവ് പ്രൊഡ്യൂസേഴ്സ്: മഞ്ജു ബാദുഷ, ഷെമി ബഷീര്, ഷൈമാ മുഹമ്മദ് ബഷീര്.
