സൂപ്പര്‍ ഹിറ്റ് ചിത്രം “ലൂസിഫറി”ന്റെ തെലുങ്ക് റീമേക്കിനെ കുറിച്ചുള്ള പുതിയ റിപ്പോര്‍ട്ടുകളാണ് വാര്‍ത്തകളില്‍ വീണ്ടും ഇടംനേടുന്നത്. സംവിധായകന്‍ സുജീത്ത് ഈ സിനിമ സംവിധാനം ചെയ്യും എന്നാണ് ആദ്യമെത്തിയ റിപ്പോര്‍ട്ടുകള്‍. പിന്നാലെ സുജീത്തിനെ മാറ്റിയതായും വാര്‍ത്തകള്‍ എത്തി. സംവിധായകന്‍ വി.വി വിനായക് ആണ് ലൂസിഫര്‍ ഒരുക്കുന്നത് എന്നാണ് പുതിയ റിപ്പോര്‍ട്ടുകള്‍.
ടാഗോര്‍, ഖൈദി നം. വണ്‍ എന്നീ സിനിമകള്‍ക്ക് ശേഷം വിനായകും ചിരഞ്ജീവിയും ഒന്നിക്കുന്ന മൂന്നാമത്തെ സിനിമ കൂടിയാണിത്. ലൂസിഫര്‍ ഒറിജിനലില്‍ നിന്ന് വ്യത്യാസങ്ങളൊന്നും വരുത്താതെയാണ് റീമേക്ക് ഒരുക്കുന്നത്. ബംഗ്ലൂരുവിലെത്തി ചിരഞ്ജീവിയെ കണ്ട ശേഷം സംവിധായകന്‍ ഈ പ്രൊജക്ട് ആവേശത്തോടെ ഏറ്റെടുക്കുകയായിരുന്നു എന്നും ന്യൂ ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്തത്. ചിരഞ്ജീവി 152-ാമത്തെ ചിത്രം “ആചാര്യ”യുടെ ചിത്രീകരണം പൂര്‍ത്തിയാക്കി അടുത്ത വര്‍ഷം ഫെബ്രുവരിയോടെ ലൂസിഫര്‍ റീമേക്ക് ഷൂട്ടിംഗ് ആരംഭിക്കും.
ആദി, ബണ്ണി, ബദ്രിനാഥ് തുടങ്ങിയ ചിത്രങ്ങള്‍ ഒരുക്കിയ സംവിധായകനാണ് വിനായക്. യാല്‍ തുടങ്ങുമെന്ന് അറിയുന്നു. തെലുങ്ക് റീമേക്കില്‍ വില്ലന്‍ വേഷത്തില്‍ നടന്‍ റഹമാന്‍ എത്തുമെന്നും റിപ്പോര്‍ട്ടുകള്‍ വന്നിരുന്നു. വിവേക് ഓബ്‌റോയ് അവതരിപ്പിച്ച ബോബി എന്ന കഥാപാത്രത്തെയാണ് റഹ്മാന്‍ അവതരിപ്പിക്കുക എന്നാണ് സൂചനകള്‍. ചിത്രത്തില്‍ മഞ്ജു വാര്യര്‍ അവതരിപ്പിച്ച പ്രിയദര്‍ശിനി രാംദാസ് എന്ന കഥാപാത്രമായി നടി സുഹാസിനി എത്തുമെന്നും റിപ്പോര്‍ട്ടുകളുണ്ട്.
Read more
അതേസമയം, ടൊവിനോ അവതരിപ്പിച്ച ജതിന്‍ രാം ആയി വിജയ് ദേവര്‍കൊണ്ട വേഷമിടുമെന്നും റിപ്പോര്‍ട്ടുകളുണ്ട്. ലൂസിഫറില്‍ അതിഥി താരമായാണ് പൃഥ്വിരാജ് വേഷമിട്ടത്. ഈ റോളില്‍ റാണാ ദഗുബതി എത്തുമെന്നും റിപ്പോര്‍ട്ടുകളുണ്ട്. എന്നാല്‍ തെലുങ്ക് റീമേക്കില്‍ ഏതൊക്കെ താരങ്ങള്‍ വേഷമിടുമെന്ന കാര്യത്തില്‍ ഇതുവരെ ഔദ്യോഗിക സ്ഥിരീകരണം ഒന്നുമുണ്ടായിട്ടില്ല. ഉടന്‍ ഇക്കാര്യങ്ങള്‍ പ്രഖ്യാപിക്കാനാണ് സാദ്ധ്യത.
