പുതിയ ചിത്രം ‘തങ്കമണി’യുടെ പ്രമോഷന്റെ ഭാഗമായി ബസില്‍ യാത്ര ചെയ്ത് ദിലീപ്. കൊച്ചിയിലെ സ്വകാര്യ ബസിലാണ് ദിലീപ് യാത്ര ചെയ്തത്. ഞായറാഴ്ച ഉച്ചയോടെയായിരുന്നു ദിലീപിന്റെ ബസ് യാത്ര. ബസ് ആറ്റിങ്ങലില്‍ നിന്ന് കോവളത്തേക്കുള്ള യാത്രയ്ക്കിടെ തിരുവാതിര ബസിലാണ് വഴിയില്‍ നിന്നും കൈ കാണിച്ച് ദിലീപ് കയറിയത്.
ചിത്രത്തിലെ നായികയായ നീതാ പിള്ള അടക്കമുള്ള താരങ്ങളും ദിലീപിന് ഒപ്പമുണ്ടായിരുന്നു. പിന്നാലെ ബസിലെ യാത്രക്കാരെല്ലാം താരങ്ങളുടെ കൂടെ സെല്‍ഫി എടുത്തു. അതേസമയം, മാര്‍ച്ച് 7ന് ആണ് തങ്കമണി തിയേറ്ററുകളില്‍ എത്തുന്നത്. ചിത്രം വിലക്കണം എന്ന ഹര്‍ജിയുടെ വാദം ഹൈക്കോടതിയില്‍ നടക്കുകയാണ്.
ഈ ഹര്‍ജിയില്‍ കഴിഞ്ഞ ദിവസം ഹൈക്കോടതി രഹസ്യവാദം കേട്ടിരുന്നു. ജസ്റ്റിസ് ദേവന്‍ രാമചന്ദ്രന്റെ ബെഞ്ചാണ് ഹര്‍ജി പരിഗണിക്കുന്നത്. സെന്‍സര്‍ ബോര്‍ഡിന്റെ മിനിറ്റ്‌സ് ഹാജരാക്കാന്‍ നിര്‍ദേശിച്ച കോടതി ഹര്‍ജി ബുധനാഴ്ച പരിഗണിക്കും.
Read more
ചിത്രത്തിന് സെന്‍സര്‍ ബോര്‍ഡ് അനുമതി നല്‍കിയ സ്ഥിതിക്ക് ഹര്‍ജിയില്‍ വാദം തുറന്ന കോടതിയില്‍ കേള്‍ക്കുന്നത് ശരിയല്ലെന്ന കേന്ദ്രസര്‍ക്കാര്‍ അഭിഭാഷകന്‍ സുവിന്‍ ആര്‍. മേനോന്റെ വാദം പരിഗണിച്ചാണ് കോടതി ഹര്‍ജിയില്‍ രഹസ്യവാദം കേട്ടത്.
