അറുപതാം പിറന്നാള്‍ ദിനത്തില്‍ ‘ദൃശ്യം 2’വിന്റെ ടൈറ്റില്‍ വീഡിയോ മോഹന്‍ലാല്‍ പുറത്തു വിട്ടിരുന്നു. ലോക്ഡൗണ്‍ കഴിഞ്ഞാല്‍ ഉടന്‍ മോഹന്‍ലാല്‍ ആരംഭിക്കുന്ന സിനിമ ദൃശ്യം 2 ആയിരിക്കും എന്ന് നിര്‍മ്മാതാവ് ആന്റണി പെരുമ്പാവൂര്‍ കഴിഞ്ഞ ദിവസം പ്രഖ്യാപിച്ചിരുന്നു. ഇപ്പോഴിതാ പുതിയ റിപ്പോർട്ട് പ്രകാരം ആദ്യ ഭാഗത്തിലെ ഒട്ടുമിക്ക നടീനടന്മാരും ഈ ചിത്രത്തിലും ഉണ്ടായിരിക്കും. മീന, ആശാ ശരത്, കലാഭവൻ ഷാജോൺ തുടങ്ങിയവരെല്ലാം ഈ സിനിമയുടെ ഭാഗമാകുമെന്നാണ് വിവരം.
ദൃശ്യത്തിന്റെ സംവിധായകനായ ജീത്തു ജോസഫ് തന്നെയാണ് ദൃശ്യം 2 ന്റെ തിരക്കഥയും സംവിധാനവും നിര്‍വഹിക്കുന്നത്. ആശീര്‍വാദ് സിനിമാസിന് വേണ്ടി ആന്റണി പെരുമ്പാവാരാണ് ചിത്രം നിര്‍മ്മിക്കുന്നത്. ദൃശ്യം 2 ത്രില്ലിംഗ് സിനിമയായിരിക്കുമെന്നും സ്‌ക്രിപ്റ്റ് താന്‍ വായിച്ചുവെന്നും മോഹന്‍ലാല്‍ പറഞ്ഞിരുന്നു.
Read more
കേരളത്തിലാണ് ചിത്രത്തിന്റെ പൂര്‍ണമായും ഷൂട്ടിംഗ്. ലോക്ക്ഡൗണിന് ശേഷം തുടര്‍ച്ചയായ 60 ദിവസം കൊണ്ട് ഷൂട്ടിംഗ് പൂര്‍ത്തിയാക്കുമെന്നാണ് ആന്റണി പെരുമ്പാവൂര്‍ പറഞ്ഞത്. ദൃശ്യം 2 പൂര്‍ത്തിയാക്കിയ ശേഷമായിരിക്കും ഷൂട്ടിംഗ് നിര്‍ത്തിവെച്ച മറ്റ് ചിത്രങ്ങളില്‍ ലാല്‍ അഭിനയിക്കുക. 2013-ല്‍ റിലീസ് ചെയ്ത ദൃശ്യം മലയാള സിനിമയില്‍ വന്‍ ഹിറ്റായിരുന്നു.
