ഹിജാബ് ധരിച്ച് പരസ്യത്തിൽ അഭിനയിച്ച ബോളിവുഡ് താരം ദീപിക പദുക്കോണിന് നേരെ സൈബർ ആക്രമണം രൂക്ഷം. അബുദാബി ടൂറിസം വകുപ്പിന്റെ പരസ്യത്തിലാണ് ദീപിക പദുകോൺ ഹിജാബ് ധരിച്ച് അഭിനയിച്ചത്. പിന്നാലെ ദീപിക പദുകോണിനെതിരെ സമൂഹ മാധ്യമങ്ങളിൽ സൈബർ അറ്റാക്ക് രൂക്ഷമായിരിക്കുകയാണ്.
ഭർത്താവ് രൺവീർ സിംഗിനൊപ്പമാണ് ദീപിക പരസ്യത്തിൽ അഭിനയിച്ചിരിക്കുന്നത്. എന്നാൽ നിരവധി ആരാധകർ താരത്തിന് പിന്തുണയുമായി രംഗത്തെത്തിയിട്ടുണ്ട്. മറ്റൊരു രാജ്യത്തിന്റെ സംസ്കാരത്തെ ബഹുമാനത്തോടെ നോക്കി കാണുന്ന ദീപികയ്ക്ക് അഭിനന്ദനങ്ങൾ എന്നാണ് ആരാധകർ പങ്കുവെക്കുന്ന കമന്റുകൾ.
മസ്ജിദിൽ കയറിയത് കൊണ്ടാണ് അതിനോട് ബന്ധപ്പെട്ട അനുയോജ്യമായ വസ്ത്രങ്ങൾ ധരിച്ചിരിക്കുന്നത് എന്നാണ് ആരാധകർ പറയുന്നത്. ഇന്ത്യയിൽ അമ്പലങ്ങളിൽ കയറുമ്പോഴും ദീപിക അനുയോജ്യമായ വസ്ത്രങ്ങൾ ധരിക്കാറുണ്ടെന്നും ആരാധകർ ചൂണ്ടികാണിക്കുന്നു. കൂടാതെ ഇത് അവരുടെ തൊഴിൽ മാത്രമാണെന്നും അതിനെ അങ്ങനെ തന്നെ നോക്കികാണണമെന്നും വിമർശനങ്ങൾക്കെതിരായി ആരാധകർ കമന്റുകൾ പങ്കുവെക്കുന്നു.
I don’t know why people crying over this pictures Raveer singh and Deepika padukone both are actors and they are doing their work.. Some people just hates for no reason.. pic.twitter.com/orOZMl7HCR
— GHOST (@Ghostistakenn) October 8, 2025
Read more
