മലയാളത്തിന്റെ ബ്ലോക്ബസ്റ്റര്‍ ലൂസിഫറിന്റെ തെലുങ്ക് റീമേക്ക് ആയിരുന്നു ഒക്ടോബര്‍ 5 ന് തിയറ്ററുകളിലെത്തിയ ഗോഡ്ഫാദര്‍. തിയറ്ററുകളില്‍ മികച്ച പ്രദര്‍ശനവിജയം നേടിക്കൊണ്ടിരിക്കുന്ന ചിത്രം ഇപ്പോഴിതാ തമിഴ്‌നാട്ടിലേക്കും എത്തുകയാണ്. ഒക്ടോബര്‍ 14 ന് ആണ് ഗോഡ്ഫാദറിന്റെ തമിഴ്‌നാട് റിലീസ്.
മോഹന്‍ രാജ സംവിധാനം ചെയ്തിരിക്കുന്ന ചിത്രത്തില്‍ കാമിയോ റോളില്‍ സല്‍മാന്‍ ഖാനും അഭിനയിച്ചിട്ടുണ്ട്. ഇതോടെ ഒരു പാന്‍ ഇന്ത്യന്‍ അപ്പീല്‍ ആണ് ചിത്രത്തിന് ലഭിച്ചിരിക്കുന്നത്. റിലീസ് ദിനം മുതല്‍ തെലുങ്ക് പ്രേക്ഷകരില്‍ നിന്ന് മികച്ച അഭിപ്രായം നേടിയ ചിത്രം ആദ്യ രണ്ട് ദിനങ്ങളില്‍ ആകെ നേടിയ ഗ്രോസ് 69.12 കോടിയാണെന്നാണ് ഔദ്യോഗിക കണക്കുകള്‍.
നാലാം ദിനത്തില്‍ ചിത്രം 100 കോടി ക്ലബ്ബില്‍ ഇടംനേടിയതായി ട്രേഡ് അനലിസ്റ്റുകള്‍ അറിയിച്ചിരുന്നു.
Read more
ഗോഡ്ഫാദറിന് ഉത്തരേന്ത്യയില്‍ മികച്ച പ്രതികരണം ലഭിക്കുന്നതിനാല്‍ അവിടെ മറ്റൊരു 600 സ്‌ക്രീനുകളിലും ചിത്രം പ്രദര്‍ശനം ആരംഭിച്ചിട്ടുണ്ട്. മലയാളത്തില്‍ പൃഥ്വിരാജ് അവതരിപ്പിച്ച കഥാപാത്രത്തെയാണ് സല്‍മാന്‍ തെലുങ്കില്‍ അവതരിപ്പിക്കുന്നത്. ചിരഞ്ജീവിയുടെ കരിയറിലെ 153-ാം ചിത്രവുമാണ് ഇത്.
