തൃഷയ്‌ക്കെതിരെയുള്ള വിവാദ പരാമര്‍ശത്തില്‍ മന്‍സൂര്‍ അലി ഖാനെതിരെ തമിഴ്‌നാട് പൊലീസ് കേസ് എടുത്തിരിക്കുകയാണ്. തന്റെ വീഡിയോ എഡിറ്റ് ചെയ്ത് പ്രചരിപ്പിക്കുകയാണ്, താന്‍ അങ്ങനെയൊന്നും പറഞ്ഞിട്ടില്ല എന്നാണ് മന്‍സൂറിന്റെ വാദം. നടന്റെ പരാമര്‍ശത്തിന് എതിരെ നിരവധി താരങ്ങളും രംഗത്തെത്തിയിരുന്നു.
മന്‍സൂറിന്റെ വാക്കുകളെ ശക്തമായി അപലപിക്കുന്നുവെന്നും ലൈംഗിക വൈകൃതമായേ അതിനെ കാണാനാകൂ എന്നും പറഞ്ഞ് തെലുങ്ക് താരം ചിരഞ്ജീവിയും രംഗത്തെത്തിയിരുന്നു. തൃഷയ്ക്കും അത്തരം ഭയാനകമായ പരാമര്‍ശങ്ങള്‍ക്ക് വിധേയമാകേണ്ടിവരുന്ന എല്ലാ സ്ത്രീകള്‍ക്കും ഒപ്പമാണ് താന്‍ എന്നും ചിരഞ്ജീവി പറഞ്ഞിരുന്നു.
ഇതോടെ ചിരഞ്ജീവി മറ്റ് നടിമാരോട് എന്താണ് ചെയ്തത് എന്ന ചോദ്യമാണ് സോഷ്യല്‍ മീഡിയയില്‍ ഉയര്‍ന്നു വരുന്നത്. കീര്‍ത്തി സുരേഷ്, പൂജ ഹെഗ്‌ഡെ എന്നീ താരങ്ങളോടുള്ള ചിരഞ്ജീവിയുടെ പെരുമാറ്റമാണ് എക്‌സ് പോസ്റ്റുകളില്‍ ചര്‍ച്ചയാകുന്നത്.
‘ഭോലാ ശങ്കര്‍’ ചിത്രത്തിന്റെ ഓഡിയോ ലോഞ്ചില്‍ കീര്‍ത്തി സുരേഷിന്റെ കൈ എടുത്ത് പിടിച്ചിരിക്കുന്ന വീഡിയോയും, ‘ഈ സിനിമയില്‍ അനിയത്തി ആയിപ്പോയി, ഇനി നായികയാക്കും’ എന്ന് ചിരഞ്ജീവി പറയുന്ന വീഡിയോകളുമാണ് വീണ്ടും വൈറലാകുന്നത്. മകളുടെ പ്രായമുള്ള കീര്‍ത്തിയോട് ഇങ്ങനെ പെരുമാറിയതില്‍ ആര്‍ക്കും കുഴപ്പമില്ലേ എന്ന ചര്‍ച്ചയാണ് ഇപ്പോള്‍ നടക്കുന്നത്.
#Chiranjeevi condemn #MansoorAliKhan and supports #Trisha meanwhile chiranjeevi on #BholaShankar event pic.twitter.com/IC5DcyPVSw
— muza (@MuzaTweets123) November 21, 2023
നടി പൂജ ഹെഗ്‌ഡെയെ കെട്ടിപ്പിടിക്കുന്നതും ഫോട്ടോ എടുക്കാന്‍ നിര്‍ബന്ധിക്കുന്ന വീഡിയോയും ചര്‍ച്ചകളില്‍ നിറയുന്നുണ്ട്. ‘ആചാര്യ’ സിനിമയുടെ പ്രീ റിലീസ് ചടങ്ങില്‍ വച്ചായിരുന്നു ഈ സംഭവം. ഇങ്ങനെയാണോ സ്ത്രീകളെ ബഹുമാനിക്കേണ്ടത് എന്ന് ചോദിച്ചാണ് പോസ്റ്റുകള്‍ എത്തുന്നത്.
When #MansoorAliKhan
Controversy statement is heating. A Telugu super Star came into support of#Trisha 🤭Look What he did to Pooja Hegde on Acharya Pre release Event 😏#Chiranjeevi pic.twitter.com/GJXLEiSSfo
— Lets Cinema+ (@Lets_Cinema_) November 21, 2023
എന്നാല്‍ ചിരഞ്ജീവിക്കെതിരെ ഉയരുന്ന ചര്‍ച്ചകള്‍ക്കെതിരെ അദ്ദേഹത്തിന്റെ ആരാധകര്‍ പ്രതികരിക്കുന്നുമുണ്ട്. അതേസമയം, തൃഷയ്‌ക്കെതിരെയുള്ള വിവാദ പരാമര്‍ശത്തില്‍ ചിരഞ്ജീവി പങ്കുവച്ച വാക്കുകള്‍ ശ്രദ്ധ നേടിയിരുന്നു. ”തൃഷയെ കുറിച്ച് നടന്‍ മന്‍സൂര്‍ അലി ഖാന്‍ നടത്തിയ ചില പരാമര്‍ശങ്ങള്‍ എന്റെ ശ്രദ്ധയില്‍പ്പെട്ടു.”
Read more
”അത്തരം പരാമര്‍ശങ്ങള്‍ ഒരു ആര്‍ട്ടിസ്റ്റിന് മാത്രമല്ല, ഏതൊരു സ്ത്രീക്കും പെണ്‍കുട്ടിക്കും അരോചകവും വെറുപ്പുളവാക്കുന്നതുമാണ്. ഈ അഭിപ്രായങ്ങളെ ശക്തമായ വാക്കുകളില്‍ അപലപിക്കണം. ലൈംഗിക വൈകൃതമായേ കണക്കാക്കാനാകൂ. തൃഷയ്ക്കും അത്തരം ഭയാനകമായ പരാമര്‍ശങ്ങള്‍ക്ക് വിധേയമാകേണ്ടിവരുന്ന എല്ലാ സ്ത്രീകള്‍ക്കും ഒപ്പമാണ് ഞാന്‍”എന്നായിരുന്നു ചിരഞ്ജീവി സോഷ്യല്‍ മീഡിയയില്‍ വ്യക്തമാക്കിയത്.
