സമ്മതിദാനാവകാശം വിനിയോഗിച്ച് സിനിമാ താരങ്ങള്‍. പൃഥ്വിരാജ്, ഭാര്യ സുപ്രിയ, ആസിഫ് അലി, രഞ്ജി പണിക്കര്‍, ഗായിക സയനോര, സിതാര കൃഷ്ണകുമാര്‍, നീരജ് മാധവന്‍, രശ്മി സോമന്‍, കൃഷ്ണകുമാറും കുടുംബവും തുടങ്ങി നിരവധി താരങ്ങള്‍ വോട്ടു ചെയ്യാനായെത്തിയ ചിത്രങ്ങള്‍ സോഷ്യല്‍ മീഡിയയില്‍ വൈറലാണ്.
നടനും തിരുവനന്തപുരം മണ്ഡലത്തിലെ ബിജെപി സ്ഥാനാര്‍ത്ഥിയുമായ കൃഷ്ണകുമാര്‍ ഭാര്യ സിന്ധു, മക്കളായ ഇഷാനി, ദിയ എന്നിവര്‍ക്കൊപ്പമാണ് വോട്ടു ചെയ്യാനെത്തിയത്. വോട്ടു ചെയ്ത ശേഷം വിരലുകളുടെ ചിത്രമാണ് നടന്‍ പൃഥ്വിരാജും ഭാര്യ സുപ്രിയയും ഇന്‍സ്റ്റഗ്രാമില്‍ പങ്കുവെച്ചത്.
വോട്ട് ഏറെ മൂല്യമുള്ളതാണ്. ജനാധിപത്യ വ്യവസ്ഥിതിയില്‍ അക്രമരഹിതമായ ശക്തമായ ആയുധമാണിത്, ഇത് നമ്മള്‍ വിനിയോഗിക്കണം എന്നാണ് നടി രശ്മി സോമന്‍ വോട്ടു ചെയ്ത ചിത്രം പങ്കുവെച്ച് ഇന്‍സ്റ്റയില്‍ കുറിച്ചത്.
ചുവപ്പ് മാസ്‌ക് അണിഞ്ഞാണ് നടന്‍ നീരജ് മാധവ് വോട്ട് ചെയ്യാനെത്തിയത്. ഭാര്യ ആനിക്കും മക്കള്‍ക്കും ഒപ്പമാണ് സംവിധായകന്‍ ഷാജി കൈലാസ് വോട്ട് ചെയ്യാനെത്തിയത്. അവകാശമാണ്, കടമയാണ് എന്നാണ് ടൊവിനോ വോട്ട് ചെയ്ത ചിത്രം പങ്കുവെച്ച് കുറിച്ചിരിക്കുന്നത്.
വോട്ടു ചെയ്യാനുള്ള അവകാശം നിങ്ങളുടെ സൂപ്പര്‍ പവര്‍ ആണ്. ഉപയോഗിക്കുക. വലിയ ഉത്തരവാദിത്വത്തില്‍ നിന്നാണ് വലിയ ശക്തി വരിക എന്നാണ് ഉണ്ണി മുകുന്ദന്‍ മഷി പുരട്ടിയ വിരലിന്റെ ചിത്രം പങ്കുവെച്ച് കുറിച്ചത്. ജയസൂര്യയും വിരലിന്റെ ചിത്രം പങ്കുവെച്ചിട്ടുണ്ട്.
Read more
