പുതുമുഖങ്ങളെ അണിനിരത്തി നവാഗതനായ ശ്യം കൃഷ്ണൻ തിരക്കഥയെഴുതി സംവിധാനം ചെയ്യുന്ന ചിത്രം ‘അപ്‌സര’ റിലീസിന് ഒരുങ്ങുന്നു. ചിത്രം ഒടിടി റിലീസായാണ് പ്രേക്ഷകരിലേക്ക് എത്തുക. സർവൈവൽ ത്രില്ലർ ചിത്രമായ അപ്‌സരയുടെ ഫസ്‌റ്റ്‌ലുക്ക് പോസ്റ്റർ റിലീസ് ചെയ്‌തു. തിങ്കളാഴ്‌ച നിശ്ചയത്തിലൂടെ പ്രശസ്‌തനായ സെന്ന ഹെഗ്‌ഡെയുടെ ഫേസ്ബുക്ക് പേജിലൂടെയാണ് പോസ്റ്റർ റിലീസ് ചെയ്‌തിരിക്കുന്നത്.
ഒരു കപ്പിൾസ് തിയേറ്ററിൽ കുടുങ്ങുന്നതും ഒരു സംഘമാളുകളിൽ നിന്ന് ആക്രമണം നേരിടുന്നതുമാണ് പ്രമേയം. 100 സ്റ്റോറീസിൻറെ ബാനറിൽ ബിജേഷ് മത്തായി, സെബിൻ മാത്യു എന്നിവരാണ് ചിത്രം നിർമിച്ചിരിക്കുന്നത്.
തികച്ചും പുതുമുഖങ്ങളെ അണി നിരത്തുന്ന ചിത്രത്തിൽ അലൻ ചേറമ്മേൽ, ശരത് വിഷ്‌ണു ഗോപാൽ, കിൻഡർ ഓലിക്കൻ, ഷിജേഷ് ചന്ദ്രൻ, ബോബി, അഖില രാജൻ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
Read more
ചിത്രത്തിന്റെ ഛായാഗ്രഹണവും എഡിറ്റിങും ശ്യാം കൃഷ്ണൻ തന്നെയാണ്. സാമുവൽ എബിയാണ് പശ്ചാത്തല സംഗീതം ഒരുക്കുന്നത്. ജയകുമാർ ചെങ്ങമനാട്, ബാലൻ ടോണി പപ്പു എന്നിവരാണ് ഗാന രചന.
