മലയാളത്തില്‍ ഹിറ്റ് ആയ ‘ബാഗ്ലൂര്‍ ഡേയ്‌സ്’ ചിത്രത്തിന് ഹിന്ദി റീമേക്ക് വരുന്നു. ‘യാരിയന്‍ 2’ എന്ന പേരിട്ട ചിത്രത്തില്‍ അനശ്വര രാജനും പ്രിയ വാര്യരും കേന്ദ്ര കഥാപാത്രങ്ങളായി എത്തും. ‘യാരിയന്‍’ ആദ്യ ഭാഗം ഒരുക്കിയ ദിവ്യ കോസ്‌ല കുമാര്‍ യാരിയന്‍ 2വില്‍ പ്രധാന വേഷത്തിലെത്തും.
മീസാന്‍ ജാഫ്രിയും യാഷ് ദാസ് ഗുപ്തയും പ്രധാന വേഷങ്ങളിലുണ്ട്. യാരിയനില്‍ ദുല്‍ഖര്‍ സല്‍മാന്റെ കഥാപാത്രത്തെയാകും നടന്‍ മീസാന്‍ ജാഫ്രി അവതരിപ്പിക്കുക. യാഷ് ദാസ് ഗുപ്ത നിവിന്‍ പോളിയുടെ കഥാപാത്രത്തെ അവതരിപ്പിക്കും. ദിവ്യ കോസ്‌ല കുമാര്‍ ആകും നസ്രിയയുടെ കഥാപാത്രത്തെ അവതരിപ്പിക്കുക.
അനശ്വര രാജന്റെ ആദ്യ ഹിന്ദി ചിത്രമാണ് യാരിയന്‍ 2. ശ്രീദേവി ബെംഗ്ലാവ് ആണ് പ്രിയയുടെ ബോളിവുഡ് അരങ്ങേറ്റ ചിത്രം. രാധികാ റാവു, വിനയ് സപ്രു എന്നിവരാണ് യാരിയന്‍ 2 സംവിധാനം ചെയ്യുന്നത്. ടീ സീരിസ് ആണ് ചിത്രം നിര്‍മിക്കുന്നത്.
2014ല്‍ ബോളിവുഡില്‍ പുറത്തിറങ്ങിയ യാരിയാന്‍ സിനിമയുടെ രണ്ടാം ഭാഗമായാണ് ചിത്രം വരുന്നത്. 2023 മേയ് 12ന് ചിത്രം പുറത്തിറങ്ങും. 2016ല്‍ ബാംഗ്ലൂര്‍ ഡേയ്‌സിന്റെ തമിഴ് റീമേക്ക് പുറത്തിറങ്ങിയെങ്കിലും ബോക്‌സോഫീസില്‍ വന്‍ പരാജയമായിരുന്നു.
Cousins by blood, friends by choice! A family glued by the bond of true friendship brings back to you, #Yaariyan2
In cinemas 12th May 2023#BhushanKumar #DivyaKhoslaKumar @SapruAndRao #VinaySapru #RadhikaRao @MeezaanJ @AnaswaraRajan_ @Yash_Dasgupta @pearlvpuri @Warina_Hussain pic.twitter.com/HXo32DAqR7
— T-Series (@TSeries) October 12, 2022
Read more
