മലയാള സിനിമ ചരിത്രത്തിലെ ഏറ്റവും മികച്ച ചിത്രങ്ങളുടെ പട്ടികയിലാണ് സക്കരിയ സംവിധാനം ചെയ്ത ‘സുഡാനി ഫ്രം നൈജീരിയ’ എന്ന ചിത്രത്തിന്റെ സ്ഥാനം. സുഡാനി റിലീസ് ആയിട്ട് ഇന്നേക്ക് 6 വർഷങ്ങൾ തികയുന്നു.
മലയാള സിനിമ അതുവരെ കണ്ടുശീലിച്ച മലബാർ നറേറ്റീവുകളിൽ നിന്നും വ്യത്യസ്തമായി മലബാറിലെ സെവൻസ് ഫുട്ബോളിന്റെ പശ്ചാത്തലത്തിൽ, ആഗോള കുടിയേറ്റവും മാനുഷിക ബന്ധങ്ങളും പ്രമേയമാക്കിയ സുഡാനി ഫ്രം നൈജീരിയ മികച്ച പ്രേക്ഷക- നിരൂപക പ്രശംസകൾ നേടിയ ചിത്രം കൂടിയായിരുന്നു. മുഹ്സിൻ പാരാരി സക്കരിയ എന്നിവർ ചേർന്നായിരുന്നു ചിത്രത്തിന്റെ തിരക്കഥയെഴുതിയത്.
ചിത്രത്തിന്റെ ആറാം വാർഷികം പ്രമാണിച്ച് പുതിയ ചിത്രം പ്രഖ്യാപിച്ചിരിക്കുകയാണ് സക്കരിയ. സൗബിൻ തന്നെയാണ് ചിത്രത്തിൽ പ്രധാന കഥാപാത്രമായെത്തുന്നത്.
View this post on Instagram
Read more
സക്കരിയ തന്നെയാണ് ചിത്രം തിരക്കഥയെഴുതി സംവിധാനം ചെയ്യുന്നത്. ചിത്രത്തിന്റെ മറ്റ് വിവരങ്ങൾ വരും ദിവസങ്ങളിൽ പുറത്തുവരുമെന്നാണ് റിപ്പോർട്ടുകൾ.
