അടുത്തിറങ്ങിയ ചിരഞ്ജീവി ചിത്രങ്ങളില്‍ കനത്ത പരാജയം ഏറ്റുവാങ്ങേണ്ടി വന്ന ചിത്രങ്ങളിലൊന്നായി മാറിയിരിക്കുകയാണ് ഭോലാ ശങ്കര്‍. അജിത്തിന്റെ സൂപ്പര്‍ഹിറ്റ് ചിത്രമായ ‘വേതാളം’ സിനിമയുടെ റീമേക്ക് ആയി എത്തിയ ചിത്രത്തില്‍ ചിരഞ്ജീവിയുടെ സഹോദരി വേഷത്തില്‍ കീര്‍ത്തി സുരേഷാണ് അഭിനയിച്ചത്.
നടി സഹോദരീ വേഷം ചെയ്യുന്ന രണ്ടാമത്തെ സിനിമയാണിത്. നേരത്തെ രജിനികാന്തിന്റെ സഹോദരിയായി അണ്ണാത്തെ എന്ന ചിത്രത്തില്‍ താരം അഭിനയിച്ചിട്ടുണ്ട്. ഈ സിനിമയും പരാജയപ്പെടുകയായിരുന്നു. ഇതോടെ സഹോദരി വേഷങ്ങല്‍ കീര്‍ത്തിയ്ക്ക് ഭാഗ്യമല്ലെന്നാണ് ആരാധകര്‍ പറയുന്നത്.
വലിയ പ്രതിഫലം നല്‍കിയാണ് കീര്‍ത്തിയെക്കൊണ്ട് ഈ ചിത്രത്തില്‍ അനിയത്തി വേഷം ചെയ്യിച്ചത്. തമിഴില്‍ ലക്ഷ്മി മേനോന്‍ അവതരിപ്പിച്ച കഥാപാത്രത്തെയാണ് തെലുങ്കില്‍ കീര്‍ത്തി സുരേഷ് അവതരിപ്പിച്ചത്. തമന്നയാണ് ചിത്രത്തിലെ നായിക.
Read more
മെഹര്‍ രമേശ് സംവിധാനം ചെയ്ക ഭോലാ ശങ്കര്‍ റിലീസ് ചെയ്ത് മൂന്ന് ദിവസം പിന്നിട്ടപ്പോള്‍ ആകെ നേടിയത് 35 കോടി രൂപ മാത്രമാണ്. എണ്‍പത് കോടിക്കു മുകളിലാണ് സിനിമയുടെ ബജറ്റ്.
