നടി അപര്‍ണ വിനോദ് വിവാഹിതയായി. കോഴിക്കോട് സ്വദേശി റിനില്‍രാജ് പി കെ ആണ് വരന്‍. അടുത്ത ബന്ധുക്കളും സുഹൃത്തുക്കളും മാത്രമായിരുന്നു വിവാഹത്തില്‍ പങ്കെടുത്തത്. കഴിഞ്ഞ വര്‍ഷം ഒക്ടോബറില്‍ ആയിരുന്നു ഇരുവരുടെയും വിവാഹ നിശ്ചയം.
2015ല്‍ പുറത്തിറങ്ങിയ ‘ഞാന്‍ നിന്നോട് കൂടെയാണ്’ എന്ന സിനിമയിലൂടെ അപര്‍ണ അഭിനയരംഗത്തെത്തി. ആസിഫ് അലിയുടെ ‘കോഹിനൂര്‍’ എന്ന ചിത്രത്തിലൂടെയാണ് ആദ്യമായി നായികയാകുന്നത്.
View this post on Instagram
വിജയ് ചിത്രം ‘ഭൈരവ’യിലൂടെ തമിഴ് സിനിമയിലും അരങ്ങേറ്റം കുറിച്ചിരുന്നു. ഭരത് നായകനായി ഡയറക്റ്റ് ഒ.ടി.ടി റിലീസ് ആയി എത്തിയ ‘നടുവന്‍’ എന്ന തമിഴ് ചിത്രത്തിലാണ് അപര്‍ണ ഏറ്റവുമൊടുവില്‍ അഭിനയിച്ചത്.
View this post on Instagram
കോളേജ് പഠനകാലത്ത് യൂണിവേഴ്‌സിറ്റി നാടക മത്സരങ്ങളിലെ ശ്രദ്ധേയ സാന്നിധ്യമായിരുന്നു അപര്‍ണ വിനോദ്. പ്രസിഡന്‍സി കോളേജില്‍ നിന്നാണ് നടി സൈക്കോളജിയില്‍ എംഎസ്‌സി പൂര്‍ത്തിയാക്കിയത്.
View this post on InstagramRead more
