വിഘ്നേശ് ശിവന്റെ കരിയറില് വഴിത്തിരിവ് ഉണ്ടാക്കിയ സിനിമയാണ് ‘നാനും റൗഡി താന്’. ഈ സിനിമയുടെ സെറ്റില് വെച്ചാണ് വിഘ്നേശും നയന്താരയും പ്രണയത്തിലാകുന്നത്. എന്നാല് ഈ സിനിമ ചെയ്യാന് നയന്താര സമ്മതിക്കില്ല എന്നായിരുന്നു താന് വിചാരിച്ചിരുന്നത് എന്നാണ് വിഘ്നേശ് ഇപ്പോള് പറയുന്നത്.
സിനിമ നിര്മ്മിച്ച ധനുഷ് ആണ് നയന്താരയെ നായികയാക്കാം എന്ന് പറയുന്നത്. നയന്താരയെ കുറച്ച് നേരം കണ്ടിരിക്കാമെന്ന് കരുതി ശരിയെന്ന് പറഞ്ഞു. നയന്താര ഈ സിനിമയ്ക്ക് സമ്മതിക്കുമെന്ന് തോന്നിയില്ല. ആ സമയത്ത് ഞാന് നസ്രിയ ഉള്പ്പെടെയുള്ളവരെ കാസ്റ്റ് ചെയ്യാനായി ആലോചിച്ചിരുന്നു.
ഓട്ടോയിൽ താനും കൂട്ടുകാരന് സെന്തിലും കൂടിയാണ് നയന്താരയെ കാണാന് പോയത്. സെന്തില് പുറത്തിരുന്നു. നയന്താരയോട് കഥ പറഞ്ഞ് വരാം. അവരെന്തായാലും നോ പറയും. കുറച്ച് സമയം അവരെ കണ്ടിട്ട് വരാം എന്ന് സെന്തിലിനോട് പറഞ്ഞാണ് പോയത്. പോയി ഒന്നര മണിക്കൂര് കഥ പറഞ്ഞു.
അവര് ഗ്രീന് ടീയൊക്കെ തന്നു. ഗ്രീന് ടീ ഇഷ്ടമല്ലാഞ്ഞിട്ടും കുറച്ച് കുടിച്ചു. കഥ മുഴുവനായി അവര് കേട്ടു. കഥ പറയുമ്പോള് ഫോണ് ഓഫ് ചെയ്യുന്നത് പോലുള്ള ചെറിയ കാര്യങ്ങള് ചെയ്യാറില്ല. ഇടയ്ക്ക് ഫോണില് നോക്കിയാണ് കഥ കേള്ക്കുക. എന്നാല് നയന്താര ഓക്കേയാണോ എന്ന് ആദ്യം ചോദിച്ചു. അതെ എന്ന് പറഞ്ഞു.
Read more
ഫോണെടുത്ത് ഓഫ് ചെയ്ത് വെച്ചു. കഥ പറയൂ എന്ന് പറഞ്ഞു. അതില് തന്നെ ആത്മവിശ്വാസം വന്നു. സിനിമയിലെ കോസ്റ്റ്യൂമും നയന്താര തന്നെയാണ് ഡിസൈന് ചെയ്തത്. കോസ്റ്റ്യൂം ധരിച്ച് ഫോട്ടോ അയച്ച് തരികയായിരുന്നു എന്നാണ് വിഘ്നേശ് ശിവന് ഒരു തമിഴ് മാധ്യമത്തിന് നല്കിയ അഭിമുഖത്തില് പറയുന്നത്.