സിനിമാ രംഗത്ത് നിന്ന് തനിക്ക് നേരിടേണ്ടി വന്ന ദുരനുഭവം തുറന്ന് പറഞ്ഞ് ബംഗാളി നടി സ്വാസ്തിക. തന്റെ പേരില്‍ വന്ന ഒരു ഫേക്ക് എംഎംഎസ് വിവാദത്തെക്കുറിച്ചാണ് സ്വാസ്തിക സംസാരിച്ചത്. ബന്ധുക്കളും നാട്ടുകാരും തനിക്കെതിരെ ഇതിന്റെ പേരില്‍ തനിക്കെതിരെ ആരോപണങ്ങളുമായി എത്തിയെന്നും അവര്‍ പറയുന്നു. സിനിമയിലെ ഒരു രംഗമാണ് നടിയുടെ പേരില്‍ പ്രചരിച്ചത്.
Also read
ഒരു നടിയുടെ ജീവിത കഥ പറയുന്ന ടേക്ക് വണ്‍ എന്ന സിനിമ ഞാന്‍ ചെയ്തിരുന്നു. നായികയുടെ ഒരു ഇന്റിമേറ്റ് രംഗം ലീക്ക് ആവുകയും അശ്ലീല ദൃശ്യമായി പ്രചരിക്കുകയും ചെയ്യുന്നതായിരുന്നു ആ സിനിമയുടെ കഥ. ഈ സംഭവം അവളുടെ കരിയറിനെയും ജീവിതത്തെയും ബാധിക്കുന്നു.
അവള്‍ മദ്യത്തിനും മയക്കു മരുന്നിനും അടിമ ആവുന്നു. അവള്‍ ഒരു കുട്ടിയുടെ അമ്മയുമായിരുന്നു. എന്നാല്‍ ഈ കഥ എന്റെ ജീവിതമാണെന്ന തരത്തില്‍ വ്യഖ്യാനിക്കുകയായിരുന്നു. ഈ രംഗം എന്റെ പേരില്‍ പ്രചരിക്കുകയും ചെയ്തു. യഥാര്‍ത്ഥ ജീവിതത്തില്‍ സ്വാസ്തികയും സിംഗിള്‍ മദറാണ്.
Read more
ബന്ധുക്കളില്‍ പലരും എന്റെ മാതാപിതാക്കളെ വിളിച്ചു. നിങ്ങളുടെ മകള്‍ രാവിലെ മുതല്‍ മദ്യപാനമാണല്ലേ, നിങ്ങള്‍ ശ്രദ്ധിക്കുന്നില്ലേ എന്നൊക്കെ ചോദിച്ചു. പത്ത് ദിവസത്തിനുള്ളില്‍ അമ്മയുടെ ക്ഷമ നശിച്ച് ദേഷ്യം വന്നു. യു സര്‍ട്ടിഫിക്കറ്റ് ലഭിക്കുന്ന സിനിമയില്‍ അഭിനയിച്ചാലെന്താണ് നിനക്ക്. കുട്ടികളുടെ സിനിമകളില്‍ അഭിനയിക്കൂ, എന്തിനാണ് മദ്യപാനികളുടെ വേഷം ചെയ്യുന്നതെന്ന് ചോദിച്ചു.
