കരിപ്പൂര് വിമാന ദുരന്തത്തില് അനുശോചനങ്ങള് അറിയിച്ച് നടന് സൂര്യ. കനത്ത മഴയിലും കോവിഡ് ആശങ്കള്ക്കിടയിലും സ്വന്തം ജീവന് പണയംവെച്ച് രക്ഷാപ്രവര്ത്തനത്തിന് മുന്നിട്ടിറങ്ങിയ മലപ്പുറത്തെ ജനങ്ങള്ക്ക് സല്യൂട്ട് അറിയിച്ചാണ് സൂര്യ ട്വീറ്റ് ചെയ്തിരിക്കുന്നത്.
“”ദുഃഖാര്ത്തരായ കുടുംബങ്ങള്ക്ക് അനുശോചനങ്ങള്, പരിക്കേറ്റവര് ഉടന് സുഖം പ്രാപിക്കട്ടെ, മലപ്പുറത്തെ ജനങ്ങള്ക്ക് സല്യൂട്ട്, പൈലറ്റുമാരോട് ആദരവ്”” എന്നാണ് സൂര്യയുടെ ട്വീറ്റ്. കഴിഞ്ഞ വെള്ളിയാഴ്ചയാണ് കരിപ്പൂരില് വിമാനം ദുരന്തം സംഭവിച്ചത്.
My deep condolences to the grieving families… Prayers for speedy recovery of the injured! Salutes to the people of Malappuram & Respects to the pilots ?? #flightcrash
— Suriya Sivakumar (@Suriya_offl) August 11, 2020
രക്ഷാപ്രവര്ത്തനത്തിന് എത്തിയ മലപ്പുറം കൊണ്ടോട്ടിയിലെ ജനങ്ങളെ ദേശീയ മാധ്യമങ്ങള് അടക്കം അഭിനന്ദിച്ച് രംഗത്തെത്തിയിരുന്നു. എയര് ഇന്ത്യ എക്സ്പ്രസും നന്ദി അറിയിച്ച് പോസ്റ്റ് പങ്കുവെച്ചിരുന്നു. കോവിഡും കാലവര്ഷക്കെടുതിയും ദുരിതം വിതയ്ക്കുന്നതിനിടെയാണ് കരിപ്പൂരില് മറ്റൊരു ദുരന്തം കൂടി പറന്നിറങ്ങിയത്. രാത്രി 7.40-ന് മഴ തകര്ത്തു പെയ്യുന്നതിനിടെയായിരുന്നു സംഭവം.
Read more
കോവിഡ് വ്യാപനത്തെ തുടര്ന്ന് വിദേശത്ത് കുടുങ്ങിയവരെ നാട്ടിലെത്തിക്കാനുളള വന്ദേ ഭാരത് ദൗത്യത്തിന്റെ ഭാഗമായി ദുബായില് നിന്ന് 184 യാത്രക്കാരെയുമായി എത്തിയ വിമാനമാണ് അപകടത്തില് പെട്ടത്. 19 പേര് മരിച്ചു. 171 പേര് വിവിധ ആശുപത്രികളില് ചികിത്സയിലാണ്.