ഒരു ജോലിയേക്കാള്‍ ബുദ്ധിമുട്ടാണ് മണിരത്‌നത്തിന്റെ ഭാര്യയായിരിക്കാന്‍ എന്ന് നടി സുഹാസിനി. ആദ്യം വിവാഹം ചെയ്ത് കുടുംബജീവിതം നയിക്കാന്‍ താല്‍പര്യമില്ലാത്ത ആളായിരുന്നു നടിയും സംവിധായികയുമായ സുഹാസിനി. എന്നാല്‍ പിന്നീട് തീരുമാനം മാറ്റി സംവിധായകന്‍ മണിരത്‌നത്തെ വിവാഹം ചെയ്യുകയായിരുന്നു.
മണിരത്‌നത്തിനൊപ്പമുള്ള ജീവിതത്തെ കുറിച്ച് സുഹാസിനി പറഞ്ഞ വാക്കുകളാണ് ഇപ്പോള്‍ ശ്രദ്ധ നേടുന്നത്. മണിരത്‌നത്തിന്റെ ഭാര്യയായിരിക്കുക എന്നത് ഒരു ഫുള്‍ ടൈം ജോലിയാണോ എന്ന ചോദ്യത്തോടാണ് സുഹാസിനി പ്രതികരിച്ചത്.
”ഒരു ജോലിയേക്കാള്‍ ബുദ്ധിമുട്ടാണ് മണിരത്‌നത്തിന്റെ ഭാര്യയായിരിക്കാന്‍. അതിന് 24 മണിക്കൂര്‍ പോരാ. അങ്ങനെ തന്നെയാണ് സ്ത്രീകള്‍ ജോലി ചെയ്തു കൊണ്ടിരിക്കുകയാണ്. എന്റെ 20ാം വയസില്‍ ഹോര്‍മോണുകള്‍ മറ്റൊരു രീതിയിലാണ് പ്രവര്‍ത്തിച്ചത്.”
Also read
”കല്ല്യാണം കഴിച്ചതും കുടുംബമായി ജീവിക്കുന്നതും എന്റെ ജീവിതത്തിലെ തികച്ചും അവിചാരിതമായ സംഭവമാണ്. മാത്രമല്ല ആരും എന്നോട് ഒന്നും ഉപേക്ഷിക്കാന്‍ ആവശ്യപ്പെട്ടിട്ടില്ല. 20 വര്‍ഷം മുമ്പുള്ള അതെ ആളാണ് ഞാനെന്ന് എനിക്ക് വിശ്വസിക്കാന്‍ സാധിക്കുന്നില്ല.”
Read more
”ഞാന്‍ തികച്ചും മാറിയിരിക്കുന്നു. ഫ്‌ളോറന്‍സ് നൈറ്റിംഗേല്‍, മദര്‍ തെരേസ എല്ലാം ഞാന്‍ ഒന്നായി കെട്ടിയാടിയിരുന്നു. ഇതെല്ലാം എന്റെ ആഗ്രഹപ്രകാരമായിരുന്നു, ആരും എന്നെ ഒന്നിനും നിര്‍ബ്ബദ്ധിച്ചിട്ടില്ല” എന്നാണ് സുഹാസിനി എബിപിക്ക് നല്‍കിയ അഭിമുഖത്തില്‍ പറയുന്നത്.
