മോഹൻലാലിനെ നായകനാക്കി വെെശാഖ് ഒരുക്കിയ ചിത്രമായിരുന്നു പുലിമുരുകൻ. നിരവധി പ്രേക്ഷക പ്രശംസ നേടിയ ചിത്രത്തിൻ്റെ ഷൂട്ടിങ്ങിനിടയിൽ സംഭവിച്ച കാര്യങ്ങളെക്കുറിച്ച് സുധീർ കരമന പറഞ്ഞ വാക്കുകളാണ് ശ്രദ്ധ നേടുന്നത്. മാസ്റ്റർ ബിൻ ചാനലിന് നൽകിയ അഭിമുഖത്തിനിടെയാണ് അദ്ദേഹം ഇക്കാര്യത്തെക്കുറിച്ച് സംസാരിച്ചത്.
താൻ ഏറ്റവും കൂടുതൽ ആരാധിക്കുന്ന നടനാണ് മോഹൻലാൽ. പുലിമുരുകനിൽ മോഹൻലാലിന് എതിരായി നിൽക്കുന്ന കഥാപാത്രമായുന്നു തൻ്റേത്. അധികം സീനിലൊന്നും താൻ ഇല്ലെങ്കിലും ചിത്രത്തിലെ മോഹൻലാലിനൊപ്പമുള്ള ആ ഒരു അനുഭവം അഭിനേതാവ് എന്ന നിലയിൽ തനിക്ക് ഒരുപാട് സന്തോഷം നൽകിയിട്ടുണ്ടെന്നും അദ്ദേഹം പറയുന്നു.
ചിത്രത്തിന്റെ ഷൂട്ടിങ്ങിനിടെ അദ്ദേഹത്തിന്റെ ഒരേ അഭിനയവും തന്നെ അത്ഭുതപെടുത്തിയിരുന്നു. ഒരു ഷോട്ടിൽ മോഹൻലാലിനെ തല കീഴാക്കി കെട്ടി തൂക്കിയിടുന്ന സീനുണ്ട്. അതെല്ലാം വളരെ മനോഹരമായാണ് ചെയ്യുന്നത്. ഒരു സിനിമയുടെ വിജയമെന്ന് പറയുന്നത് സംവിധായകനും നിർമ്മാതാവിനും ചിത്രത്തിലെ ഒരോ കഥാപാത്രത്തിനും ഒരുപോലെയാണ്.
Read more
പരാജയവും അങ്ങനെ തന്നെയാണ് അതുകൊണ്ട് നമ്മൾ ചെയ്യുന്ന കഥാപാത്രം മനോഹരമായി ചെയ്യുക. നിരവധി ചിത്രങ്ങളിൽ അഭിനയിച്ചിട്ടുള്ള അദ്ദേഹം തന്നോട് പറഞ്ഞ് ആ കാര്യം താൻ ഒരിക്കലും മറക്കില്ലെന്നും സുധീർ കൂട്ടിച്ചേർത്തു
