തനിക്ക് ഒരു സിനിമാലൊക്കേഷനില്‍ വെച്ചുണ്ടായ ബോഡി ഷെയ്മിങ് അനുഭവം തുറന്നുപറഞ്ഞ് മഞ്ജു പത്രോസ്. ഫ്‌ലവേഴ്‌സ് ഒരു കോടി പരിപാടിയില്‍ പങ്കെടുക്കുമ്പോഴാണ് തനിക്ക് നേരിട്ട അനുഭവം അവര്‍ പങ്കുവെച്ചത്.
ബോഡി ഷെയ്മിങ് ഒരുപാട് അനുഭവിക്കേണ്ടി വന്നിട്ടുണ്ട്. ഇത് അനുഭവിക്കുന്നത് ഞാന്‍ മാത്രമല്ല. എന്റെ നിറമുള്ള, എന്നെക്കാളും നിറം മങ്ങിയ, അല്ലെങ്കില്‍ എന്നെക്കാളും തടിച്ചതോ, മെല്ലിച്ചതോ ആയ ഒരുപാട് ആളുകള്‍ അനുഭിവിക്കുന്ന വിഷയം ആണിത്. അടുത്തിടെ സംഭവം ഉണ്ടായി. ഞാന്‍ അഭിനയിച്ചുകൊണ്ടിരിക്കുന്ന ഒരു ലൊക്കേഷനില്‍.
എനിക്ക് വളരെ അടുത്തറിയാവുന്ന ഒരുനടിയാണ് അവര്‍. ലൊക്കേഷനില്‍ അവര്‍ക്കെന്തൊ പ്രശ്‌നം ഉണ്ടായി എന്തെങ്കിലും വിഷയം ഉണ്ടാകുമ്പോള്‍ അവരുടെ വിചാരം അവിടെ ലൊക്കേഷനില്‍ ഉള്ള രണ്ടുപെണ്ണുങ്ങള്‍ ആണ് പിന്നില്‍ എന്നാണ്.
അതില്‍ ഒരുപെണ്ണ് ഞാനും മറ്റേത് എന്റെ കൂടെ അഭിനയിക്കുന്ന വേറെ ഒരു കുട്ടിയുമാണ്. ഞങ്ങളാണ് ഇതുണ്ടാക്കുന്നത് എന്ന മിഥ്യാധാരണ അവര്‍ക്കുണ്ട്. അവര്‍ പെട്ടെന്ന് തന്നെ പറയുവാ, ഇവളുടെ നിറം പോലെ തന്നെയാണ് ഇവളുടെ മനസും എന്ന്. അവര്‍ അത് നല്ല മനസ്സില്‍ അല്ല അത് പറഞ്ഞത്.
Read more
നമ്മള്‍ ആളുകളെ എത്ര സ്‌നേഹിക്കാന്‍ ശ്രമിച്ചാലും ആളുകള്‍ നമ്മളെ കാണുന്നത് ഈ നിറത്തിന്റെ പേരിലും മുഖത്തിന്റെ സൗന്ദര്യത്തിന്റെ പേരിലും ഒക്കെയാണ്. അത് ഞാന്‍ ചെറുതിലെ മുതലേ കേട്ടിട്ടുള്ളതാണ് മഞ്ജു പറയുന്നു.
