മികച്ച പ്രേക്ഷക പ്രതികരണം നേടി മുന്നേറുന്ന റോഷാക്കിന്റെ വിശേഷങ്ങള്‍ പങ്കുവച്ച് മമ്മൂട്ടിയും ടീമും ദുബായില്‍. ഇത് വേറിട്ട വഴിയിലൂടെ സഞ്ചരിക്കുന്ന സിനിമയാണ്. കഥയുടെ സഞ്ചാര പാത വേറെയാണ്. എല്ലാവിധ പിന്തുണയും പ്രേക്ഷകരുടെ ഭാഗത്തുനിന്നുണ്ടായി. എല്ലാവരോടും നന്ദി പറയുകയാണെന്നും ഇതില്‍കൂടുതല്‍ പറഞ്ഞുകഴിഞ്ഞാല്‍ കരഞ്ഞുപോകുമെന്നും മമ്മൂട്ടി പറഞ്ഞു.
250 സ്‌ക്രീനുകളിലായി 815 ഷോകളോടെയാണ് ചിത്രം റിലീസ് ചെയ്തത്. മികച്ച പ്രതികരണം നേടുന്ന ചിത്രം ഉടന്‍ തന്നെ നൂറ് കോടിക്ക് അടുത്ത് നേടുമെന്നാണ് നിരൂപകര്‍ അഭിപ്രായപ്പെടുന്നത്.
അമേരിക്കന്‍ പൗരത്വമുള്ള ദുബായില്‍ ബിസിനസ് ചെയ്യുന്ന ലൂക്ക് ആന്റണി ആയാണ് മമ്മൂട്ടി എത്തുന്നത്. ‘കെട്ട്യോളാണെന്റെ മാലാഖ’ സിനിമയ്ക്ക് ശേഷം നിസാം ബഷീര്‍ സംവിധാനം ചെയ്ത ചിത്രമാണ് റോഷാക്ക്. സമീര്‍ അബ്ദുള്‍ ആണ് ചിത്രത്തിന് തിരക്കഥ ഒരുക്കിയത്.
Read more
ഷറഫുദ്ദീന്‍, ജഗദീഷ്, ഗ്രേസ് ആന്റണി, ബിന്ദു പണിക്കര്‍, സഞ്ജു ശിവറാം, കോട്ടയം നസീര്‍, ബാബു അന്നൂര്‍, മണി ഷൊര്‍ണ്ണൂര്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്. മമ്മൂട്ടി കമ്പനിയാണ് ചിത്രം നിര്‍മ്മിച്ചിരിക്കുന്നത്.
