ടൈപ്പ് കാസ്റ്റിംഗിനെ കുറിച്ച് പറഞ്ഞ് നടി കനി കുസൃതി. മലയാളത്തില് ഒരേ പോലെയുള്ള സിനിമകള് തന്നെയാണ് വരുന്നത്. ഒരു നാടും കുറച്ച് മനുഷ്യരും ഒരേ ആഖ്യാന രീതികളും. അതില് നടി എന്ന് ചെയ്യാവുന്ന ഒരു കാര്യം അഭിനയിക്കുമ്പോള് മാറ്റം വരുത്താം എന്നതാണ്. എന്നാല് അങ്ങനെ ചെയ്യണ്ടെന്നും പറയും എന്നാണ് കനി പറയുന്നത്.
”നടി എന്ന് പറഞ്ഞാല് ചെയ്യാവുന്ന ഒരു കാര്യം ഒരേ പോലുള്ള സിനിമ വന്നാല് നമുക്ക് വേണമെങ്കില് പലതരത്തില് അത് ചെയ്യാം. ഒരു പ്രത്യേക സമൂഹത്തില് നിന്നും വരുന്ന ടീച്ചര് ആയിട്ടുള്ള കഥാപാത്രമാണ് എനിക്ക് എപ്പോഴും കിട്ടുന്നത് എന്ന് വിചാരിക്കുക, അടുത്ത പതിനഞ്ച് വര്ഷേേത്തക്ക് അത് തന്നെ ചെയ്യുകയാണെങ്കില് ഓരോന്നും ഒരോ തരത്തിലാക്കുക.”
”പലപ്പോഴും അങ്ങനെ ചെയ്യുമ്പോള് ഇങ്ങനെ ചെയ്യണ്ട കനി മറ്റേത് പോലെ തന്നെ മതിയെന്ന് പറയും. എനിക്ക് മാത്രമല്ല. എന്റെ കൂടെയുള്ള പല ആക്ടേഴ്സിനോടും ഇങ്ങനെ പറയുന്നത് കേള്ക്കാം. മുമ്പ് അഭിനയിച്ചതു പോലെ മതിയെന്ന് പറയും. എനിക്ക് അങ്ങനെ വന്നിട്ടില്ല.. എനിക്ക് വ്യത്യസ്തമായി തന്നെയാണ് വന്നത്” എന്നാണ് കനി കുസൃതി പറയുന്നത്.
Read more
അതേസമയം, ‘വിചിത്രം’ ആണ് കനി കുസൃതിയുടെതായി റിലീസിന് ഒരുങ്ങുന്നത്. ഒക്ടോബര് 14ന് ആണ് ചിത്രം തിയേറ്ററില് എത്തുന്നത്. അച്ചു വിജയന് സംവിധാനം ചെയ്യുന്ന ചിത്രത്തില് ഷൈന് ടോം ചാക്കോ, ലാല്, ബാലു വര്ഗീസ്, ജോളി ചിറയത്ത്, കേതകി നാരായണ് എന്നിവരാണ് മറ്റ് പ്രധാന കഥാപാത്രങ്ങള്.